បញ្ឈប់ទម្លាប់ទាំងនេះឱ្យបានមុនអាយុ៣០ ទើបជីវិតមិនចំណាយពេលឥតប្រយោជន៍
- 2017-08-18 00:46:48
- ចំនួនមតិ 0 | ចំនួនចែករំលែក 0
បញ្ឈប់ទម្លាប់ទាំងនេះឱ្យបានមុនអាយុ៣០ ទើបជីវិតមិនចំណាយពេលឥតប្រយោជន៍
ស្រីៗមានដឹងទេថា ទម្លាប់របស់អ្នករាល់ថ្ងៃអាចនឹងប៉ះពាល់ដល់អនាគតរបស់អ្នក បើនៅតែបន្ត ឬមិនខ្វល់ខ្វាយនឹងវា។ ខាងក្រោមនេះ គឺជាកំហុសឆ្គងមួយចំនួនដែលមនុស្សភាគច្រើនបានធ្វើក្នុងវ័យ២០ឆ្នាំឬក្រោមនេះ ហើយក៏គួរតែបញ្ឈប់ឱ្យបានមុនអាយុ៣០ឆ្នាំ ដើម្បីកុំឱ្យជ្រុលពេលពិបាកកែប្រែ៖
១- ចំណាយពេលវេលាលើទូរសព្ទ ឬបណ្ដាញសង្គម រហូតលែងរវីរវល់នឹងអ្នកនៅជុំវិញខ្លួន
អ្វីដែលគួរធ្វើ
ទុកទូរសព្ទមួយឡែកសិន ពេលនៅក្បែរមិត្តភ័ក្ដិ ឬក្រុមគ្រួសារ
កំណត់ខ្លួនឯងថា មិនគួរកាន់ទូរសព្ទម្ដងលើសពី២០នាទីទេ
កុំប្រើទូរសព្ទក្រោយម៉ោង១១យប់
២- គិតតែពីសន្សំលុយទុក មិនព្រមចាយវាយខ្លះ ឬគិតតែពីចាយវាយដោយមិនបានសន្សំខ្លះ
អ្វីដែលគួរធ្វើ
បង្កើតកុងធនាគារ ឬប្រើវិធីសន្សំសំចៃនៅផ្ទះ តាមដែលគិតថាល្អ
បែងចែកឱ្យច្បាស់រវាងចំណូលនិងចំណាយ និងប្រាក់ដែលត្រូវសន្សំ
កាត់បន្ថយការចំណាយលើរបស់មិនចាំបាច់មួយចំនួន
គួរមានប្រាក់មួយចំនួនដើម្បីសន្សំសម្រាប់ដំណើរកម្សាន្ត និងទិញរបស់សម្រាប់ថ្ងៃពិសេសខ្លួនឯង
៣- តែងតែមួម៉ៅ ឬបញ្ចេញអារម្មណ៍ដាក់អ្នកដទៃ
អ្វីដែលគួរធ្វើ
ប្រាប់ខ្លួនឯងថា ពេលនេះវ័យកាន់តែចាស់ទៅៗហើយ មិនអាចប្រើអារម្មណ៍ដូចកូនក្មេងពីមុនបានទេ
កាត់បន្ថយការប្រើបណ្ដាញសង្គម នោះអ្នកនឹងមិនសូវចង់បង្ហាញអារម្មណ៍នៅទីនោះដូចពីមុន
៤- ចំណាយពេលច្រើនដើម្បីស្វែងរកស្នេហា
អ្វីដែលគួរធ្វើ
កុំយកចិត្តទុកដាក់រឿងស្នេហាខ្លាំងពេក ប្រាប់ខ្លួនឯងថា ពេលវេលាដែលស័ក្ដិសម គេម្នាក់នោះនឹងមកដល់ជាមិនខាន
រាប់អានអ្នកណាម្នាក់ កុំចេះតែស្រមៃថា គេនឹងក្លាយជាមិត្តប្រុសរបស់ខ្លួន គួរចាត់ទុកគេជាមិត្តធម្មតាមុនសិនបានហើយ
៥- ចំណាយពេលចូលក្លិប ឬដើរលេងយប់ច្រើន
អ្វីដែលគួរធ្វើ
អ្នកមិនមែនវ័យនៅរៀនទៀតទេ វាជាវ័យដែលត្រូវមានទំនួលខុសត្រូវ និងការគិតចាស់ទុំជាងមុន ហើយការចេញទៅក្រៅពេលយប់ញឹកញាប់ពេក ក៏មិនមែនជាអ្វីដែលមនុស្សចាស់ទុំធ្វើដែរ។
៦- ចូលចិត្តគិតពីអារម្មណ៍អ្នកដទៃមកលើខ្លួនឯង
អ្វីដែលគួរធ្វើ
ឈប់ចំណាយពេលខ្វល់នឹងការគិតរបស់អ្នកដទៃទៀតទៅ ព្រោះគ្មានអ្នកណាអាចតម្រូវចិត្តមនុស្សគ្រប់គ្នាបានទេ។ ត្រូវប្រើពេលវេលាធ្វើអ្វីដែលខ្លួនពេញចិត្ត ប៉ុន្តែក៏មិនត្រូវលើសពេកដែរ។
៧- មិនសូវខ្វល់ខ្វាយលើបញ្ហាសុខភាព
អ្វីដែលគួរធ្វើ
ដោយសារកាលនៅវ័យជំទង់ អ្នកចូលចិត្តប្រើពេលវេលាសប្បាយរីករាយជាមួយមិត្តភ័ក្ដិច្រើន ទើបមិនសូវមានពេលវេលាគិតគូរពីរឿងសុខភាព ឬទៅពិគ្រោះជាមួយគ្រូពេទ្យញឹកញាប់។ គួរផ្លាស់ប្ដូរការយល់ឃើញនេះ ហើយងាកមកចាប់អារម្មណ៍លើសុវត្ថិភាពនៃការញ៉ាំ ការគេង និងសុខភាពឱ្យបានច្រើន កុំឱ្យពិបាកព្យាបាលពេលវ័យកាន់តែចាស់ជាងនេះ៕
ចុចអាន៖