ស្នេហាតែងបរាជ័យ អាចបណ្ដាលមកពីចំណុចអចេតនាទាំងនេះ

2017-08-17 03:25:10
ចំនួនមតិ 0 | ចំនួនចែករំលែក 0

គ្រប់ស្នេហាមិនមែនសុទ្ធតែជោគជ័យ ឬបញ្ចប់ដោយភាពផ្អែមល្ហែមទេហើយកំហុសទាំងនេះអាចបណ្ដាលមកពីសកម្មភាពខ្លះដែលអ្នកបានធ្វើដោយមិនដឹងខ្លួន។ តើអ្នកតែងតែជួបភាពលំបាកក្នុងរឿងស្នេហាមែនទេ? មានហេតុផលច្រើនដែលអាចបណ្ដាលឲ្យទៅជាបែបនេះ៖

១. ធ្វើការកំណត់ជ្រុល

ជំនួសឲ្យការស្វែងយល់ចិត្តគ្នា អ្នកបែរជាព្យាយាមកំណត់ថាត្រូវតែធ្វើនេះឬ ធ្វើនោះដែលធ្វើឲ្យស្នេហាក្លាយជាបន្ទុកទៅវិញ។ ឧទាហរណ៍ សង្សារត្រូវតែ Call មករាល់យប់ ត្រូវផ្ញើសារ Good morning រាល់ព្រឹក ឬត្រូវជូនដើរលេងរាល់អាទិត្យជាដើម។

២. ខ្វល់ខ្វាយពីការគិតរបស់អ្នកដទៃ

ត្រូវចាំថាគ្មាននរណាស្គាល់អ្នកជាងអ្នកខ្លួនឯងទេ។ មិត្តភ័ក្ដិ ឬ អ្នកស្គាល់គ្នាអាចជួយឲ្យយោបល់បាន ប៉ុន្តែការសម្រេចចិត្តគឺជារូបអ្នកមួយប៉ុណ្ណោះ។

៣. ប្រៀបធៀបអ្នកថ្មីជាមួយអ្នកចាស់

នេះអាចជាកំហុសឆ្គងដ៏ធំបំផុតក្នុងរឿងស្នេហា។ ត្រូវចាំថាអ្វីៗពេលនេះមិនដូចពេលមុនទេ ហើយក៏មិនអាចប្រៀបធៀបគ្នាដែរ។

៤. ព្យាយាមផ្លាស់ប្ដូរគេ

គ្មាននរណាចង់ឲ្យគេមកផ្លាស់ប្ដូរដោយប្រាប់ឲ្យធ្វើនេះធ្វើនោះគ្រប់ពេលទេរួមទាំងសង្សាររបស់អ្នកផងដែរ។

៥. ប្រៀបធៀបទង្វើរបស់យើងជាមួយសង្សារ

ឧទាហរណ៍ថាបើយើងតែងទិញផ្កាឲ្យគេថ្ងៃខួបកំណើត គេក៏ត្រូវទិញឲ្យយើងវិញដែរ។ ការទាមទារ និងការប្រៀបធៀបបែបនេះជាបញ្ហាមួយព្រោះសង្សារអ្នកនឹងមានអារម្មណ៍ថាគ្មានសេរីភាពទេ៕

ចុចអាន៖ បទពិសោធដ៏ឈឺចាប់ផ្សេងគ្នារបស់មនុស្សស្រី ធ្លាប់បាត់បង់ស្នេហា

ចុចអាន៖ ចង់បំភ្លេចគេ តែពិបាកណាស់មែនអត់? សាកវីធីនេះមើស៍!

ប្រភព៖ thezoereport ប្រែសម្រួល៖ Chhai Yarith