ផ្ញើសារទៅរហូត តែបើគេមិន Care សោះ គួរធ្វើយ៉ាងណាល្អ?
- 2017-08-16 00:31:00
- ចំនួនមតិ 0 | ចំនួនចែករំលែក 0
ផ្ញើសារទៅរហូត តែបើគេមិន Care សោះ គួរធ្វើយ៉ាងណាល្អ?
ផ្ញើសារតាំងពីម្សិលមិញ ផ្ញើព្រឹកនេះ ហើយផ្ញើដល់ល្ងាចទៀតនៅតែមិនឃើញឆ្លើយតប។ ស្រីៗតើអ្នកមានជួបបញ្ហាបែបនេះជាមួយមិត្តប្រុសដែរឬទេ? ខាងក្រោមនេះគឺជារឿងមួយចំនួនដែលអ្នកគួរធ្វើពេលដែលមិនឃើញគេតបមកវិញ៖
១. គួរដាក់ទូរស័ព្ទចុះសិន
ព្រោះអ្នកអាចនឹងធ្វើការសម្រេចចិត្តខុសបើនៅតែចាំសម្លឹងកញ្ចក់ទូរស័ព្ទបែបនេះ។ អ្នកក៏មិនគួរទៅតាមមើលគាត់ Online ដែរព្រោះទោះឃើញក៏មិនអាចជួយអ្វីបានក្រៅពីកាន់តែគិតច្រើន។
២. កុំអាលធ្វើការសន្និដ្ឋានអ្វី
អ្នកប្រហែលគិតពីមូលហេតុដែលគាត់មិនឆ្លើយច្រើនរួចមកហើយមែនទេ? ប្រហែលគាត់រវល់ ឬគាត់មិនចង់ឆ្លើយតែម្ដង? មិនថាហេតុផលអ្វីតែគួរតែកុំអាលគិតច្រើនម្នាក់ឯងអីព្រោះនាំតែមួលម៉ៅ។
៣. កុំផ្ញើទៅគាត់បន្តទៀត
ព្រោះបើឃើញដដែលៗ គាត់អាចគិតថាយើងរស់គ្មានគាត់មិនបាន។ ត្រូវបង្ហាញគាត់ថាយើងត្រជាក់ដូចទឹកទើបគាត់ចាប់ផ្ដើមគិតសារឡើងវិញនូវទង្វើខ្លួនឯង។
៤. បើយើងនៅតែចង់សួរនាំគួរតែចាំមួយថ្ងៃសិន
ទោះយ៉ាងណាក៏នៅតែចង់ដឹង តែក៏មិនគួរផ្ញើសារមិនឈប់ដែរ។ បើអ្នកនៅតែចង់ដឹង គួរតែចាំមួយថ្ងៃសិនចាំសួរ។ បើគាត់នៅតែមិនតបទៀតនោះ វាអាចជាការបង្ហាញច្បាស់ណាស់ហើយ។
៥. ធ្វើខ្លួនឲ្យរវល់
ក្នុងរយៈពេលបែបនេះបើយើងនៅទំនេរៗមិនធ្វើអ្វីសោះនោះគឺប្រាកដជាទ្រាំមិនបានទេ។ គួរធ្វើការ រៀន ឬចេញក្រៅជាមួយមិត្តភ័ក្ដិក៏បាន។
៦. ទទួលស្គាល់ការពិត
គឺការពិតដែលអាចនិយាយបានថាគាត់មិនបានចាប់អារម្មណ៍យើងទេ។ បើគាត់ឃើញហើយនៅតែមិនឆ្លើយតប វាគួរតែដល់ពេលអ្នកពិចារណាឡើងវិញហើយ៕
ចូលអាន៖ មុនប្រគល់ការស្រលាញ់ទៅបុរសណា ពិនិត្យមើល ៧ ចំណុចនេះឲ្យមែនទែន បើមានគួរតែដកខ្លួនឲ្យ...
ចូលអាន៖ កុំយកសង្សារអីល្អជាង បើចិត្តអ្នកនៅជាប់ជំពាក់រឿងទាំង ៦ នេះ