មនុស្សស្រីស្អាតប៉ុណ្ណាក៏ដោយបើមាន៩ចំណុចនេះហើយ ប្រាកដគ្មានអ្នកស្រឡាញ់
- 2017-08-15 09:37:58
- ចំនួនមតិ 0 | ចំនួនចែករំលែក 0
មនុស្សស្រីស្អាតប៉ុណ្ណាក៏ដោយបើមាន៩ចំណុចនេះហើយ ប្រាកដគ្មានអ្នកស្រឡាញ់
មនុស្សស្រីមានមុខមាត់ស្អាតហើយ ចិត្តយើងក៏ត្រូវស្អាតដែរ បើរូបរាងស្អាតប៉ុន្តែចរិតខាងក្នុងពិបាកនឹងឲ្យអ្នកដទៃទទួលយក នោះសម្រស់យើងនឹងក្លាយជាគ្មានន័យ។ បើមិនចង់ឲ្យបុរសគ្រប់គ្នាដែលចូលមកក្នុងជីវិតអ្នកហើយលើកដៃ Bye Bye ចោលអ្នកទេ អ្នកគួរផ្លាស់ប្ដូរឥរិយាបថខ្លះៗដូចខាងក្រោម៖
១. ពូកែបោះបោក
ពូកែណាស់ខាងរឿងបោះបោក អ្នកណាឃ្នើសចិត្តអីបន្តិចមិនបានទេ គឺដឹងតែខឹងច្រឡោត បោកប្រាស់របស់គ្រប់សព្វដែលនៅនឹងមុខ។ បើសិនបុរសៗបានឃើញឥរិយាបថអ្នកបែបនេះ គេនឹងត្រលប់ទៅគិតសាជាថ្មីថាតើគួរចែចង់ឬទេ ហើយបើចូលញ៉ែអាចនឹងត្រូវគប់ប៉ុណ្ណាទៅ?
២. ចូលចិត្តកុហក
សូម្បីមនុស្សស្រីក៏មិនចូលចិត្តមនុស្សកុហកផង ដូច្នេះហើយមនុស្សប្រុសក៏មិនចូលចិត្តមនុស្សស្រីកុហកដូចគ្នា។ ទោះស្អាតយ៉ាងណា បើមានចរិតចូលចិត្តកុហកគ្រប់រឿងហើយ ទោះមានធ្លាប់ចិត្តក៏ធ្វើឲ្យអស់អារម្មណ៍វិញបានដែរ។
៣. ខ្ជះខ្ជាយ
មិនចេះសន្សំសំចៃ មានប៉ុណ្ណាចាយប៉ុណ្ណឹង ចាយហួសសមត្ថភាព កុំឃើញគេមានអីចង់មានហ្នឹងដែរដោយមិនខ្វល់ថាចំណូលខ្លួនឯងមានប៉ុន្មាន ... បើមានពាន់ចាយម៉ឺនបែបនេះ មនុស្សប្រុសណាក៏សុំគ្រវីក្បាលដែរ។
៤. រកតែប្រ៊េនប្រ៊េន
ញ៉ាំអាហារក៏រកប្រ៊េន កាបូប ស្បែកជើង សំលៀកបំពាក់គ្រប់យ៉ាងគឺត្រូវតែប្រ៊េន។ បើដូច្នេះហើយ បុរសភាគច្រើនដែលចង់បានអ្នកអាចនឹងសុំដកថយវិញ ព្រោះគិតថាគេអាចចិញ្ចឹមអ្នកបានឬអត់ គេអាចនឹងមើលថែអ្នកបានឬអត់ទេបើអ្នកត្រូវការតែរបស់កាលីបយ៉ាងនេះ។
៥. គ្មានចិត្ត
ជាមនុស្សស្រីដែលគ្មានទឹកចិត្តអ្នកដទៃនៅជុំវិញខ្លួន មិនចាប់អារម្មណ៍ថាអ្នកណានឹងទៅជាយ៉ាងណា សុំឲ្យតែខ្លួនឯងស្អាត រស់នៅស្រួលគឺគ្រប់គ្រាន់។ នារីដែលគិតអាត្មានិយមបែបនេះទោះមានសម្រស់យ៉ាងណាក៏បុរសទូទៅទទួលយកមិនបានដែរ។
៦. និយាយស្ដីអសុរោះគ្រប់ពេល
មុខមាត់ស្អាតណាស់ តែពេលនិយាយចេញមក លោកអ្ហើយកុំឲ្យមានពាក្យសមរម្យអីបន្តិច។ ពេលបុរសចូលមកញ៉ែថ្មីៗ អ្នកនិយាយបោះបោកដាក់ខ្លះអាចជារឿងធម្មតា ក៏ប៉ុន្តែបើនិយាយភាសាឈ្លើយៗជាទម្លាប់ហើយ គេប្រហែលមិនទ្រាំនៅជាមួយទេ។
៧. ញៀនស្រា បារី
គ្រាន់តែឮចង់គ្រវីក្បាលមុនបាត់ទៅហើយ មនុស្សស្រីដែលចូលតៀមស្រារាល់ថ្ងៃ ស្រវឹងរាល់ថ្ងៃហើយថែមទាំងជក់បារីជោកជាំ ទោះមុខស្អាតយ៉ាងណាក៏រកមន្តស្នេហ៍មិនឃើញដែរ។ បើដឹងថាចាប់ផ្ដើមញៀនរបស់ទាំងនេះហើយ គួរព្យាយាមឈប់ឲ្យបានលឿនបំផុត ព្រោះមិនត្រឹមតែធ្វើឲ្យអ្នកដទៃមិនចូលចិត្ត ប៉ុន្តែវាគ្រោះថ្នាក់ធ្ងន់ដល់សុខភាពយើងទៀតផង។
៨. មើលពិភពលោកក្នុងផ្លូវអវិជ្ជមាន
សម្លឹងមើលគ្រប់យ៉ាងក្នុងផ្លូវអាក្រក់ជានិច្ច មិនដែលមើលឃើញចំណុចល្អសោះ អ្នកណានៅជាមួយអ្នកប្រាកដជាពិបាកស្លាប់ហើយព្រោះអ្នកមានតែការគិតវិជ្ជមានគ្រប់ពេល។ ស្អាតប៉ុណ្ណាក៏ដោយបើក្នុងចិត្តអ្នកមិនដែលគិតអ្វីល្អទេប្រាកដជាគ្មានអ្នកចង់រស់ជាមួយទេ ព្រោះវាបានតែសប្បាយភ្នែកតែមិនសប្បាយចិត្ត។
៩. ចូលចិត្តរាយមន្តស្នេហ៍គ្រប់ពេល
យកសម្រស់ដែលខ្លួនមានទៅរាយមន្តស្នេហ៍ឲ្យបុរសគ្រប់គ្នា តែមិនច្បាស់លាស់ជាមួយអ្នកណាមួយសោះ គឺគ្រាន់តែចង់ដឹងថាខ្លួនឯងមានភាពទាក់ទាញកម្រិតណា។ បែបនេះក៏គ្មានអ្នកណាចង់ចូលមកក្នុងជីវិតអ្នកដែរ គឺមានតែសុំដកថយ ៕
ចុចអាន៖