តិចនិកគូស Eyeliner ទោះអ្នកមិនចេះសោះ ក៏អាចគូសបានស្អាត

2017-08-15 04:22:55
ចំនួនមតិ 0 | ចំនួនចែករំលែក 0

ការគូស Eyeliner លើត្របកភ្នែកបានជួយលើកសម្រស់នារីបានមួយកម្រិត បើទោះបីមិនផាត់មុខក៏ដោយ។ ប៉ុន្តែក៏មាននារីមិនតិចនាក់ដែរដែលរអ៊ូថា មិនចេះគូស Eyeliner ពេលខ្លះគូសទៅធំពេក តូចពេក ឬប្រតាកពេញភ្នែកក៏មាន។ អ៊ីចឹងទើបថ្ងៃនេះ វិបសាយកញ្ញាសូមណែនាំវិធីងាយៗដើម្បីគូស Eyeliner លើត្របកភ្នែកបានស្អាត ទោះអ្នកមិនដែលចេះគូសពីមុនសោះ ក៏អាចសាកល្បងបាន។

១- យកល្អកុំគូសដោយបិទភ្នែកម្ខាង។ ការគូសដោយបិទភ្នែក អាចធ្វើឱ្យស្នាមគូសស្ថិតនៅខាងលើពេក មិនជាប់នឹងគល់រោមភ្នែក។ ដូច្នេះវិធីល្អ គឺគួរតែគូរដោយបើកភ្នែកតិចៗ ហើយកុំញ័រ។

២- យកខ្មៅដៃ Eyeliner មកគូសថើៗ តាមលំនាំនៃត្របកភ្នែក រហូតដល់ចុងកន្ទុយភ្នែក ទោះបីមិនសូវចេញច្បាស់ក៏បាន ព្រោះអ្នកត្រូវគូសវាបន្ថែមនៅពេលបញ្ចប់។

៣- ទាញខាងចុងវែងឬខ្លីតាមចិត្តស្រលាញ់ រួចចាំគូសពីលើម្ដងទៀត ម្ដងបន្តិចៗ រហូតដល់ចុងហើយ ប៉ុន្តែពីខាងគល់មក គួរគូសឱ្យស្ដើង ហើយចាំមកគូសឱ្យក្រាសនៅខាងចុង ដើម្បីកុំឱ្យភ្នែកឃើញប្រតាកពេក។

ឬអាចអនុវត្តតាមវីដេអូនេះក៏បាន