ស្រីៗ! បើនៅធ្វើ៤ចំណុចនេះ ទោះអាយុច្រើនប៉ុណ្ណា ក៏គេនៅចាត់ទុកដូចកូនក្មេង
- 2017-08-14 01:26:17
- ចំនួនមតិ 0 | ចំនួនចែករំលែក 0
ស្រីៗ! បើនៅធ្វើ៤ចំណុចនេះ ទោះអាយុច្រើនប៉ុណ្ណា ក៏គេនៅចាត់ទុកដូចកូនក្មេង
ភាពចាស់ទុំមិនត្រូវបានកំណត់ដោយអាយុនោះទេ អ្នកខ្លះអាយុតិច តែមានការចេះគិតបែបចាស់ទុំ ឯអ្នកខ្លះអាយុច្រើន គេហៅបង តែកាយវិការចេញមកធ្វើឱ្យគេចាត់ទុកដូចកូនក្មេង ដែលមិនអាចយកជាសាច់ការបាន។ សាកពិនិត្យមើលខ្លួនឯងពេលនេះទៅមើល ថាតើអាចមានចំណុចខាងក្រោមដែរទេ? បើអត់មានទេ អាចចាត់ទុកថា អ្នកជាមនុស្សចាស់ទុំហើយ។
១- នៅឡេះឡោះ លេងសើចច្រើន
ការនិយាយស្ដីលេងសើចអាចធ្វើឱ្យអ្នកនៅជុំវិញខ្លួនចូលចិត្ត ប៉ុន្តែបើឈានចូលវ័យ២០ឆ្នាំក្រាសហើយ គួរតែកាត់បន្ថយទង្វើឡេះឡោះបែបនេះខ្លះទៅ ព្រោះនារីដែលឡេះឡោះលេងសើចច្រើន ធ្វើឱ្យបុរសមិនសូវឱ្យតម្លៃប៉ុន្មានទេ។
២- មានអីបន្តិច យកទៅ Drama លើ Facebook
សម័យ Facebook មិនមែនអ្វីក៏អាចផុសបាន ឬបញ្ចេញអារម្មណ៍បានទាំងអស់នោះទេ។ ការផុសញឹកញាប់ យករឿងខ្លួនឯងទៅបើកចំហឱ្យគេដឹងច្រើនពេក ឬប្រើពាក្យមិនគប្បីលើ Facebook សុទ្ធតែបង្ហាញថា អ្នកជាមនុស្សមានការគិតនៅក្មេងខ្ចីនៅឡើយ មិនទាន់អាចចេះគ្រប់គ្រងអារម្មណ៍ខ្លួនឯងបាននៅឡើយទេ។
៣- ប្ដូរអារម្មណ៍លឿនៗពេក
ធ្លាប់ជួបទេ? អ្នកខ្លះផ្លាស់ប្ដូរអារម្មណ៍លឿនៗ រកតែតាមមិនទាន់។ ម្ដងរួសរាយ ម្ដងក៏ស្ងៀមស្ងាត់ មិនមាត់មិនក ហើយពេលមានអ្នកចូលទៅនិយាយលេងជាមួយ បែរជាបញ្ចេញកំហឹង ឬក្រោកចេញទៅវឹង។ នេះបង្ហាញថា នារីម្នាក់នោះនៅប្រើអារម្មណ៍បែបកូនក្មេងនៅឡើយ ព្រោះមានតែកូនក្មេងទេ ដែលត្រូវការគេលួងគ្រប់ពេលបែបនេះ។
៤- នៅបង្ហាញអារម្មណ៍ទន់ខ្សោយនៅឡើយ
ពាក្យមួយដែលតែងប្រើសម្រាប់នារី គឺទន់ភ្លន់ តែមិនទន់ខ្សោយ។ ទោះមានបញ្ហា ឬការលំបាកអ្វី បើនារីម្នាក់ដែលមានគំនិតចាស់ទុំ នាងនឹងមិនងាយបង្ហាញឱ្យអ្នកដទៃដឹងពីការឈឺចាប់ ឬទុក្ខព្រួយរបស់នាងងាយៗឡើយ។ ផ្ទុយទៅវិញ នាងនៅតែអាចញញឹមចេញ និងដោះស្រាយបញ្ហាទាំងនោះដោយខ្លួនឯងជាមុនសិន មុននឹងស្វែងរកជំនួយពីអ្នកនៅជុំវិញខ្លួន៕
ចុចអាន៖ ភាពស្រស់ស្អាត ៧ យ៉ាងក្នុងខ្លួននារី ធ្វើឲ្យបុរសឈ្លក់វង្វេងជាងសម្រស់ទៅទៀត!
ពេលចេញធ្វើការទើបដឹងថា មនុស្សមានមុខច្រើនណាស់ មិនមែនតែ២ទេ