តិចនិកមើលឱ្យដឹង ទឹកអប់សុទ្ធឬក្លែងក្លាយ ក្រៅពីហិតក្លិន

2017-08-11 04:55:24
ចំនួនមតិ 0 | ចំនួនចែករំលែក 0

ត្រឹមតែការហិតក្លិន មិនអាចមើលដឹងថា ទឹកអប់ណាសុទ្ធឬក្លែងក្លាយបានទេ។ ប៉ុន្តែយ៉ាងណា បើទោះបីអ្នកលក់ធានាថា ទឹកអប់ដែលអ្នកកំពុងកាន់នោះ គឺជារបស់សុទ្ធ១០០%ក្ដី ក៏អាចមានចំណុចមួយចំនួនដែលអ្នកអាចពិនិត្យមើលដោយខ្លួនឯងបាន៖

១- ពិនិត្យមើលសម្បកវេចខ្ចប់៖

ធម្មតា ទឹកអប់សុទ្ធមានថង់កែវខ្ចប់ពីក្រៅសម្បកក្រាសជាងរបស់ក្លែងក្លាយ ហើយថង់ដែលស្រោបនោះក៏ត្រូវតែស្មើថ្លាស្អាត មិនជ្រួញ ឬកំពីកកំពក។

២- ថ្នេរថង់ស្រោបសម្បកវេចខ្ចប់៖

បើថង់ខ្ចប់ពីក្រៅសម្បកត្រូវបានបិទដោយមិនមានភាពឥតខ្ចោះ ដូចជាថ្នេរឡើងក្រាស ជ្រីវជ្រួញ ឬមើលឃើញកាវពីលើថ្នេរនោះ វាបញ្ជាក់ច្បាស់ណាស់ថា ទឹកអប់នោះមិនសុទ្ធឡើយ ព្រោះរបស់សុទ្ធ តែងមានការវេចខ្ចប់ដោយប្រុងប្រយ័ត្ន និងគ្មានថ្នេរលេចឡើងច្បាស់ក្រឡែតបែបនេះទេ។

៣- ស្លាកយីហោ និងការចុះលេខ៖

មើលលើរង្វង់ពណ៌មាស សម្រាប់របស់សុទ្ធ ព្រួញបាញ់ទៅស្ដាំតែងតែជាពណ៌ខ្មៅ ហើយព្រួញបាញ់ទៅឆ្វេងត្រូវតែពណ៌មាស ឬខុសពីពណ៌ខ្មៅ។

៤- ពណ៌ទឹកអប់៖

របស់ល្បីតែងតែមិនប្រើជាតិពណ៌ច្រើនសម្រាប់ផលិតផលរបស់ខ្លួនទេ ដូច្នេះហើយបើអ្នកចង់ដឹងមួយណាទឹកអប់សុទ្ធ ឬមិនសុទ្ធនោះ គ្រាន់តែប្រៀបធៀបពណ៌រវាងដបទាំងពីរ បើមួយណាពណ៌ស្រាលជាងនោះគឺរបស់សុទ្ធហើយ ព្រោះរបស់ក្លែងក្លាយត្រូវប្រើជាតិគីមីដែលមានពណ៌ដិតដើម្បីបានក្លិនឈួល។

៥- លេខសម្គាល់ (Serial Number)

លេខសម្គាល់នៃទឹកអប់សុទ្ធត្រូវតែស្ថិតនៅពីក្រោមដប ហើយមិនមែនជាលេខដែលបិទកាវទេ។ មួយទៀត លេខដែលនៅក្រោមដប និងនៅលើប្រអប់ក៏ត្រូវតែដូចគ្នាដែរ។

៦- ទម្រង់ដប៖

ដបរបស់ទឹកអប់សុទ្ធ១០០%ត្រូវតែមានរូបរាងល្អឥតខ្ចោះ បានន័យថា ត្រូវតែរលោង និងផ្គុំដោយការប្រុងប្រយ័ត្ន ចំណែកដបដែលមើលឃើញកំពីកកំពក ឬផ្គុំមិនត្រូវគ្នាឱ្យទៅជាសាច់ស្មើ គឺមិនមែនជារបស់សុទ្ធឡើយ៕

ចុចអាន៖ ស្រីៗប្រើទឹកអប់ផ្សំពីគ្រឿងទេស ៦ ប្រភេទនេះ អាចរំញោចអារម្មណ៍ផ្លូវភេទបុរស

៤ វិធីជ្រើសរើសទឹកអប់ឲ្យបានត្រឹមត្រូវ សក្ដិសមនឹងខ្លួនយើងជាស្រី

ប្រភព៖ Brightside ប្រែសម្រួល៖ សរ សុគន្ធី