ចង់ឲ្យស្នេហាកាន់តែល្អទៅមុខ ស្រីៗគួរកែប្រែទម្លាប់ ៥ យ៉ាងនេះចេញ

2017-07-28 02:38:18
ចំនួនមតិ 0 | ចំនួនចែករំលែក 0

ដឹងហើយថាមនុស្សមិនអាចធ្វើរឿងល្អគ្រប់ដប់នោះទេ តែបើដឹងថា វាជាទម្លាប់ខ្លះអាក្រក់ក្នុងទំនាក់ទំនងស្នេហាហើយនោះ យើងគួរតែកែប្រែចេញ ដើម្បីឲ្យទំនាក់ទំនងអ្នកកាន់តែរលូនទៅមុខទៀត៖

១. មិនសូវនិយាយគ្នា ៖ បើអាចគួរតែព្យាយាមរករឿងមកនិយាយគ្នា កុំចូលចិត្តស្ងាត់រៀងខ្លួនអីព្រោះបើបែបនេះមិនយូរតែអ្នកនឹងមានអារម្មណ៍ថាធុញទ្រាន់លែងចង់និយាយគ្នាសោះតែម្ដង។

រូបតំណាង

**២. គិតច្រើនពេក ៖** រឿងខ្លះអ្នកគិតច្រើនពេកហើយ គួរតែកែប្រែខ្លះ ព្រោះពេលដែលអ្នកគិតច្រើននោះរឿងអាក្រក់ក៏ចូលមកក្នុងគំនិតរបស់អ្នកច្រើនដែរ ដូច្នេះស្នេហារបស់អ្នកក៏មិនល្អទៅតាមហ្នឹងដែរ។ ព្យាយាមកាត់បន្ថយការគិតផ្ដេសផ្ដាស និង គិតអីមិនល្អទៀតទៅ។

៣. ចាត់ទុកស្នេហាដូច Game ដើម្បីចង់ឈ្នះចងចាញ់ ៖ ជាទម្លាប់អាក្រក់មួយដែលមិនគួរមាននោះទេ ព្រោះស្នេហាគឺការស្រឡាញ់ការអាណិត មិនមែនល្បែងដែលអ្នកយកមកលេង ដើម្បីសប្បាយ ឬ ចង់ឈ្នះនោះទេ។

៤. ធ្វើអ្វីមួយតាមតែអារម្មណ៍ ៖ អ្នកមិនគួរយកអារម្មណ៍មកធ្វើការនោះទេ ព្រោះវាមិនមែនជារឿងល្អឡើយ គួរតែប្រើការគិតជាជាងអារម្មណ៍ ព្រោះនៅពេលដែលអ្នកប្រើអារម្មណ៍ម្ខាងទៀតអាចមានការប៉ះទង្គិចដែលជាហេតុឲ្យស្នេហាអ្នកមានបញ្ហា។

រូបតំណាង

៥. ស្រែកគំហក និង ដើរចេញទាំងមិនទាន់បាននិយាយគ្នា ៖ បើមានរឿងអីកើតឡើងអ្នកគួរតែតាំងចិត្តស្ដាប់ហេតុផល និង និយាយគ្នាសិន មិនគួរស្រែកគំហក និង ដើរចេញទាំងមិនទាន់ដឹងរឿងងីនោះទេ ព្រោះវាជាទម្លាប់អាក្រក់បំផុតក្នុងទំនាក់ទំនងស្នេហា។

កែបានគួរតែកែ ដើម្បីកុំឲ្យហួសពេលហើយបានស្ដាយក្រោយ៕

ចុចអាន៖ ទទួលស្គាល់ទៅថា ពេលវេលាកាន់តែយូរ មនោសញ្ចេតនាកាន់តែសាបរលាប

ប្រភព៖ relrules ប្រែសម្រួល៖ ផេង ផលធិតា