ឪពុកម្ដាយតឹងតែងរឿងមានសង្សារខ្លាំង គួរធ្វើយ៉ាងណាល្អ?
- 2017-07-27 09:29:39
- ចំនួនមតិ 0 | ចំនួនចែករំលែក 0
ឪពុកម្ដាយតឹងតែងរឿងមានសង្សារខ្លាំង គួរធ្វើយ៉ាងណាល្អ?
មិនតិចដងទេដែលឪពុកម្ដាយមួយចំនួនតែងហាមកូនមិនឲ្យធ្វើនេះ ឬ ធ្វើនោះ ជាពិសេសរឿងមានស្នេហានេះតែម្ដងបើទោះបីយើងចូលវ័យ ២០ ឆ្នាំហើយក៏ដោយ។ ចំពោះគាត់វាជារឿងល្អ តែចំពោះយើង វាជាការហាមឃាត់សេរីភាពបេះដូង។ គួរធ្វើយ៉ាងណាល្អ?
១. ដំបូងត្រូវយល់ពីអ្វីដែលយើងចង់បានសិន?៖ វាជាស្នេហាលេងសើចមួយឆាវ ឬ ក៏ច្បាស់លាស? ការដឹងពីជំហរខ្លួនឯងច្បាស់ធ្វើឲ្យយើងមានហេតុផលទៅជជែកជាមួយពួកគាត់បាន។
២. យល់ពីអ្វីដែលគាត់ចង់បាន៖ តើគាត់ចង់ឲ្យយើងរៀនចប់សិន? ចង់ឲ្យមានការងាររឹងមាំសិន? មិនថាហេតុផលអ្វីទេ យើងត្រូវយល់នៅការគិតរបស់គាត់សិនដើម្បីងាយស្រួលបង្ហាញពួកគាត់ពីជំហររបស់យើង។
៣. អង្គុយចុះហើយជជែកគ្នា៖ ជួនកាលការយល់ច្រឡំអាចកើតឡើងដោយសារការមិនយល់គ្នា។ ការជជែកគ្នា លើកហេតុផលរបស់យើង និងស្ដាប់ហេតុផលគាត់អាចជួយបានច្រើនមិនខាន។
៤. ពេលវេលា៖ ក្នុងភ្នែកពួកគាត់ទោះយើងផុតអាយុ ១៨ ហើយក៏នៅតែជាកូនក្មេងដែរ។ គួរចំណាយពេលបង្ហាញគាត់បន្តិចម្ដងៗថាយើងអាចមើលថែខ្លួនឯងបានដោយចាប់ផ្ដើមពីការរៀនសូត្រ ការងារ ទើបឈានដល់ការមានស្នេហា។
៥. បង្ហាញគាត់ថាមានសង្សារមិនមែនខុសទេ៖ បើស្នេហាមិនប៉ះពាល់ការរៀនសូត្រ ការងារ ឬ ខូចខ្លួនប្រាណនោះ វាមិនមែនជារឿងដែលខុសទេ។ បើយើងអាចបង្ហាញចំណុចទាំងនេះបានជឿថាគាត់ក៏មិនបារម្ភដែរ។
៦. ចេះអត់ធ្មត់៖ កាលៈទេសៈខ្លះតម្រូវឲ្យយើងចេះអត់ធ្មត់ និងបែកពីមនុស្សដែលយើងស្រឡាញ់សិនដើម្បីពង្រឹងខ្លួនឯងឲ្យរឹងមាំជាមុន។ បើវាជាស្នេហាពិត អ្នកទាំងពីរគួរតែព្យាយាមរក្សាវាឲ្យដល់ទីបំផុត។ បន្ទាប់ពីរឹងដៃជើងហើយ ឪពុកម្ដាយក៏គ្មានអ្វីត្រូវហាមខាត់ទៀតដែរ៕
ចុចអាន៖ បើស្រលាញ់គ្នាពិត កុំយកហេតុផលគ្រួសារជំទាស់មកធ្វើជាលេសបែកគ្នា
ចុចអាន៖ មនុស្សស្រីឯករាជ្យ តែងសម្លឹងរកមើលបុរសបែបនេះជាដៃគូស្នេហា