មិនមែនលេងសើច! អ្នកញ៉ាំយ៉ាងណាក៏មិនធាត់ ប្រយ័ត្នមានជំងឺនេះ
- 2017-07-26 02:07:23
- ចំនួនមតិ 0 | ចំនួនចែករំលែក 0
មិនមែនលេងសើច! អ្នកញ៉ាំយ៉ាងណាក៏មិនធាត់ ប្រយ័ត្នមានជំងឺនេះ
ស្រីៗភាគច្រើនចង់បានរាងស្លីម ទោះញ៉ាំយ៉ាងណាក៏មិនធាត់មែនទេ? បើគ្រាន់តែគីឡូនៅថេរធម្មតា មិនស្គមស្គាំងខ្លាំង គឺជារឿងល្អមួយដែលនារីៗគួរចង់បាន ប៉ុន្តែបើទោះខំញ៉ាំយ៉ាងណា តែបែរមិនមានសាច់មានឈាម ទៅជាស្លេកស្លាំង មើលទៅគ្មានកម្លាំងនោះ អ្នកគួរតែពិនិត្យឱ្យបានច្បាស់ ខ្លាចដូចករណីនារីខាងក្រោមនេះ។
នារីហ្វីលីពីនម្នាក់ ឈ្មោះថា Patrisha Banawa បានបង្ហាញបទពិសោធន៍របស់នាងនៅលើ Facebook ដែលបានកើតជំងឺម្យ៉ាងហៅថា Scoliosis ជាជំងឺបណ្ដាលឱ្យឆ្អឹងខ្នងរបស់មនុស្សទៅជាកោងវៀច មិនត្រង់ពីលើចុះក្រោមដូចមនុស្សធម្មតាឡើយ។ កាលណាកើតជំងឺនេះ ទោះអ្នកនោះប្រឹងញ៉ាំច្រើនលើសពីមនុស្សទូទៅយ៉ាងណា ក៏មិនអាចឡើងគីឡូ ឬមានសាច់មានឈាមដូចគេឯងដែរ។
Patrisha ប្រាប់ថា នាងកើតជំងឺនេះតាំងពីឆ្នាំ២០១៣មក ហើយបន្ទាប់មក នាងក៏ចាប់ផ្ដើមស្វែងយល់ពីជំងឺខុសប្រក្រតីមួយនេះ។ តាំងពីកើតជំងឺនេះមក នាងចេះតែមានអារម្មណ៍ថា សរីរាង្គខាងក្នុងរបស់នាងដូចជាកៀបចូលគ្នា ព្រោះតែភាពកោងនៃឆ្អឹងខ្នងរបស់នាង។ ពេលខ្លះ វាបណ្ដាលឱ្យក្អួតចង្អោរ ហើយពិបាកដកដង្ហើម។
មនុស្សដែលមិនបានដឹងរឿងនេះ តែងតែបង្អាប់នាង ថាមិនខំញ៉ាំអាហារឱ្យមានសាច់ជាងនេះ ប៉ុន្តែការពិត នាងតែងតែឃ្លាន ហើយក៏ញ៉ាំច្រើនណាស់ដែរ នៅតែមិនអាចឡើងគីឡូបាន។ អ្នកខ្លះទៀត ក៏រិះគន់ថា នាងធ្វើពុត ធ្វើមាយា រាល់ពេលនាងត្អូញថាឈឺម្ដងៗ ព្រោះមើលពីខាងក្រៅ នាងដូចមនុស្សគ្មានជំងឺអ៊ីចឹង។
ព្រោះតែធ្លាប់ទទួលអារម្មណ៍ឈឺចាប់ ទាំងផ្លូវកាយ និងផ្លូវចិត្តបែបនេះ Patrisha បានបង្ហោះបទពិសោធន៍នេះ និងបានផ្ដាំផ្ញើដល់អ្នកដែលមានស្ថានភាពដូចនាង គឺញ៉ាំច្រើនហើយនៅតែមិនធាត់ ឱ្យប្រញាប់ទៅជួបគ្រូពេទ្យពិនិត្យ និងព្យាបាលឱ្យបានលឿនបំផុត ហើយក៏មិនត្រូវប្រើកម្លាំងធ្ងន់ពេកនោះដែរ។
ម៉ូដែលអាយុ២៦ឆ្នាំ តែស្បែកជ្រួញដូចយាយចាស់ធ្លាប់បាក់ទឹកចិត្ត តែពេលនេះ...
Patrisha ធ្លាប់ច្រណែននឹងនារីដទៃដែលអាចស្លៀកពាក់សិចស៊ី និងបញ្ចេញសាច់ខ្នងរបស់ពួកនាងតែទោះយ៉ាងណា Patrisha ក៏បានជម្នះការអៀនខ្មាស ចូលរួមប្រកួតកម្មវិធីសម្រស់នៅឆ្នាំ២០១៤ និងបានជយលាភីលេខ២ទៀតផង៕