ជីវិតស្នេហាមាន៥ដំណាក់កាល ចុះអ្នកកំពុងស្ថិតក្នុងដំណាក់កាលមួយណា?
- 2017-07-26 02:11:45
- ចំនួនមតិ 0 | ចំនួនចែករំលែក 0
ជីវិតស្នេហាមាន៥ដំណាក់កាល ចុះអ្នកកំពុងស្ថិតក្នុងដំណាក់កាលមួយណា?
ពាក្យថាស្នេហាពិតជាមានន័យទូលំទូលាយណាស់ ប៉ុន្តែមនុស្សគ្រប់គ្នាតែងសម្គាល់ថាឱ្យតែជាការស្រឡាញ់ នោះគឺចាត់ទុកជាស្នេហាហើយ។ ចុះធ្លាប់សម្គាល់ដែរទេ តើអារម្មណ៍ស្នេហាឬការស្រឡាញ់របស់អ្នកទៅកាន់មនុស្សម្នាក់ទៀតនោះ ឈានដល់ដំណាក់កាលណាហើយ?
១. «ដំណាក់កាលធ្លាក់ក្នុងអន្លុងស្នេហ៍» អ្នកចាប់ផ្តើមមានអារម្មណ៍ល្អចំពោះម្នាក់នោះ ហើយទោះវាជាលើកទីមួយដែលអ្នកទាំងពីរជួបគ្នា ប៉ុន្តែក្នុងចិត្តចេះតែប្រាថ្នាចង់ជួបគេម្តងហើយម្តងទៀត។ អាចសម្គាល់ពីអារម្មណ៍ខ្លួនឯងពិតជាខុសគ្នាខ្លាំងបើធៀបគ្នាពីពេលដែលបានជួប និងមិនទាន់បានជួប។
២. «ក្លាយជាមនុស្សជិតស្និទ្ធ» អ្នកទាំងពីរមានឱកាសនិយាយគ្នាបានច្រើន ហើយចាប់ផ្តើមមានអារម្មណ៍រំភើប និងចេះស្រមើលស្រមៃបែបរ៉ូមែនទិច។
**៣. «ដំណាក់កាលជឿជាក់» អ្នកទាំងពីរមានអារម្មណ៍ជឿជាក់លើគ្នា ហើយយល់ពីគ្នាទៅវិញទៅមកបានច្រើន ជាពិសេសអាចវិភាគដឹងថាតើគេកំពុងគិតអ្វីឬមានគម្រោងចង់ធ្វើអី។
៤. «ព្យាយាមធ្វើឱ្យវាក្លាយជាស្នេហ៍ពិត» ដំណាក់កាលនេះវាពិតជាលំបាក ព្រោះដៃគូចាប់ផ្តើមស្គាល់អារម្មណ៍ឈឺចាប់ ចេះប្រច័ណ្ឌហួងហែងខ្លាំង បើសិនជាអ្នកទទួលអារម្មណ៍ផ្អែមល្អែមខ្លាំងប៉ុនណា នោះការឈឺចាប់ក៏មានខ្លាំងដូចគ្នាដែរ។ គូស្នេហ៍ភាគច្រើនតែងតែបរាជ័យក្នុងដំណាក់កាលនេះ។
៥. «ពិភពលោកមានតែអូននិងបង» ដំណាក់កាលនេះ អ្នកទាំងពីរបានកំណត់គោលដៅនិងគម្រោងសម្រាប់អនាគតរួចជាស្រេច ថានឹងធ្វើឱ្យក្តីស្រឡាញ់មួយនេះបន្តទៅមុខជារៀងរហូត៕