បើ Ex រកសង្សារថ្មីបានមុន យើងគួរធ្វើម៉េច?

2017-07-26 00:00:00
ចំនួនមតិ 0 | ចំនួនចែករំលែក 0

មនុស្សស្រី បើទោះជាបែកគ្នាជាមួយសង្សារហើយក៏ដោយ ក៏នៅតែគិតពីគេដែរ ហើយបើគេមានអ្នកថ្មីមុនយើងទៀតនោះរឹតតែពិបាកចិត្ត។ ៥ វិធីនេះអាចជួយកុំឲ្យអារម្មណ៍ច្របូកច្របល់បាន ពេលដឹងថា ex រកអ្នកថ្មីបានមុនយើង៖

១.ប្រាប់ខ្លួនឯងថ្មី ទោះមិនទាន់មានសង្សារក៏អាចរស់បានដែរ

នារី ៩០% ពេលដឹងថាអតីតសង្សារមានអ្នកថ្មី អារម្មណ៍មិននៅក្នុងខ្លួនឡើយ។ ដូចនេះគួរប្រើខ្លួនឯងថា ការរស់នៅម្នាក់ឯងមិនអីទេ ហើយសប្បាយចិត្តជាងពេលមានសង្សារទៅទៀត ព្រោះគ្មានអ្នកធ្វើឲ្យពិបាកចិត្ត,គ្មានអ្នកចាំចាប់កំហុស។

២.កុំធ្វើដឹងឮ

បើនៅក្នុង Facebook ឃើញអតីតសង្សារបង្ហោះរូបស្និទ្ធស្នាលជាមួយស្រីផ្សេង យើងធ្វើកុំខ្ចីយកភ្នែកមើល ឬយកល្អគួរតែ Block ចោលតែម្ដងទៅ។ បើមិនដូចនេះទេពេលឃើញ គួរ scroll ឲ្យផុត ហើយកុំយកខួរក្បាលទៅវិភាគថាគេស្អាត ឬមិនស្អាតជាងយើងអី។

៣.ប្រកាសប្រាប់មិត្តភ័ក្ដិកុំឲ្យរំលឹកពីគេ

ពេលបែកគ្នាគួរតែប្រាប់ដល់មិត្តភ័ក្ដិថា កុំឲ្យនិយាយពី ex នៅចំពោះមុខយើង។ ដូចនេះពេលគេមានថ្មីមិត្តភ័ក្ដិមិនហ៊ានយករឿងនេះមកប្រាប់ដល់យើងទេ។

៤.កុំខ្វាយខ្វល់រកសង្សារថ្មី

បើដឹងថាអតីតសង្សាររកបានអ្នកថ្មីហើយនោះ យើងកុំខ្វល់ខ្វាយចិត្តទៅគិតរកអ្នកថ្មីដែរ។ ព្រោះទង្វើបែបនេះ គឺដើម្បីតែចង់បញ្ឈឺគេ ឬកុំឲ្យបាក់មុខប៉ុណ្ណោះ ហើយការបញ្ឈឺនេះវារឹតតែធ្វើឲ្យយើងនឹកដល់គេ។

៥.ទៅដើរលេងឲ្យឆ្ងាយ

បន្ទាប់ពីដឹងល្ហៀងៗថា អ្នកចាស់យើងរកបានសង្សារថ្មីហើយនោះ គួរតែទៅដើរលម្ហែកាយនៅកន្លែងដែលឆ្ងាយ ដើម្បីកុំឲ្យឮពីឈ្មោះគេ។ តែដាច់ខាតកុំទៅកន្លែងចាស់ឲ្យសោះ ព្រោះរឹតតែស្រណោះគេលើសដើម៕

ចុចអាន៖បើមិត្តប្រុសធ្វើរឿងទាំងនេះបានន័យថាគេមិនស្រឡាញ់យើងគ្រប់គ្រាន់ទេ

ប្រភព៖ gurl ប្រែសម្រួល៖ ទ្រី រ៉ាវី