៥យ៉ាង ស្រីៗតែងធ្វើ អាចនាំឱ្យខូចដើមទ្រូងដោយមិនដឹងខ្លួន

2017-07-25 08:14:23
ចំនួនមតិ 0 | ចំនួនចែករំលែក 0

ខណៈនារីៗភាគច្រើនផ្ដោតចិត្តទុកដាក់តែលើរឿងមុខ និងស្បែកដងខ្លួន ដើមទ្រូងជាកន្លែងដែលត្រូវបានមើលរំលងពីការថែរក្សាទៅវិញ។ ប៉ុន្តែមិត្តនារីច្បាស់ជាភ្ញាក់ផ្អើល បើដឹងថា តំបន់នោះជាតំបន់សំខាន់មួយនៃតួខ្លួនរបស់ស្ត្រី ហើយទាមទារឱ្យមានការពិនិត្យ និងយកចិត្តទុកដាក់ខ្លាំងជាងស្បែកដងខ្លួនទៅទៀត។ ការបំបៅកូន គឺជាហេតុផលមួយដែលនារីៗគិតថា អាចធ្វើឱ្យដើមទ្រូងខូចទ្រង់ទ្រាយលែងស្អាតដូចពីមុន ចុះសម្រាប់នារីនៅលីវវិញ អាចខូចទ្រង់ទ្រាយដើមទ្រូងដោយវិធីណា?

តោះមកមើលសកម្មភាពមួយចំនួនដែលអាចបណ្ដាលឱ្យដើមទ្រូងរបស់អ្នកខូចទ្រង់ទ្រាយ ឬពេលខ្លះឈានទៅកើតជាជំងឺទៀតផង។

១- ពាក់អាវទ្រនាប់មិនត្រូវតាមទំហំទ្រូង៖

សារព្រមានដល់ស្រីៗ បើមិនចង់ស្លាប់ដោយសារមហារីក គួរឈប់ដករោម...

វាជារឿងដ៏គួរឱ្យភ្ញាក់ផ្អើលដែលការស្រាវជ្រាវមួយបង្ហាញថា មានតែស្រ្តីប្រហែល២៥%ប៉ុណ្ណោះដែលពាក់អាវទ្រនាប់ត្រូវតាមទំហំទ្រូងរបស់ខ្លួន។ ចំណែកស្ត្រីភាគរយផ្សេងទៀតបែរជាពាក់អាវទ្រនាប់ បើមិនធំជាង ក៏តូចជាងទ្រូងដែរ។ ហើយទំហំមិនត្រឹមត្រូវទាំងពីរនេះនឹងធ្វើឱ្យដើមទ្រូងទៅជាខូចទ្រង់ទ្រាយដើម ដោយសារគ្មានអ្វីសម្រាប់ទ្រលំនឹងឱ្យបានត្រឹមត្រូវ ហើយអាវទ្រនាប់តូចពេក អាចធ្វើឱ្យត្បៀតសរសៃឈាមទៀតផង។

២- ការប្រើដង្កៀបដករោម៖

សាច់ដ៏ទន់នៅបរិវេណសុដន់គឺជាតំបន់ដែលងាយប៉ះទង្គិច និងឈឺចាប់ខ្លាំងចំពោះការដករោមផ្សេងៗ។ ដូច្នេះចៀសវាងការដករោមនៅម្ដុំសុដន់ ឬបើគេចមិនផុត គឺធ្វើដោយវិធីណាដែលមិនមានការឈឺចាប់ខ្លាំង ទើបជាការប្រសើរ។

៣- ការច្បិច ឬក្ដិចចុងសុដន់៖

នារីៗអាចគិតថាវាជារឿងធម្មតា ប៉ុន្តែទោះបីវាមិនប៉ះពាល់ខ្លាំងដល់ដើមទ្រូង តែវាអាចនឹងធ្វើឱ្យសរសៃឈាមដើរមិនស្រួល ដូចពាក់អាវទ្រនាប់តឹងដូច្នោះដែរ។

៤- ការរត់ហាត់ប្រាណដោយមិនពាក់អាវទ្រនាប់កីឡា៖

នៅពេលរត់ហាត់ប្រាណ ដើមទ្រូងរបស់អ្នកត្រូវរលាក់ចុះឡើងៗតាមកាយវិការរបស់អ្នក។ ដូច្នេះគួរជ្រើសរើសអាវណាដែលមានទ្រនាប់ការពារសុដន់ពីក្នុង ដើម្បីជួបទប់ពីការរលាក់ទាំងនោះ។

៥- គេងកិនសុដន់៖

មិនមែនបានន័យថា ការគេងកិនដើមទ្រូង ធ្វើឱ្យសុដន់រួមតូចទេ តែវាអាចនឹងធ្វើឱ្យទ្រូងទៅជាក្រពឹត ឬលែងមូលក្លំស្អាតដូចពីមុន។ ដូច្នេះ បើត្រូវគេផ្កាប់មុខ គួររកខ្នើយ ឬភួយទន់ៗមកកល់ពីក្រោមសុដន់សិនទើបល្អ៕

ប្រភព៖ Brightside ប្រែសម្រួល៖ សរ សុគន្ធី