មូលហេតុ៥យ៉ាងដែលធ្វើឲ្យស្រីៗសម័យនេះមិនចង់បានសង្សារ

2017-07-26 01:27:39
ចំនួនមតិ 0 | ចំនួនចែករំលែក 0

មនុស្សជាច្រើនមើលមកមនុស្សស្រីអាយុជ្រេដែលគ្មានគូដោយកែវភ្នែកអាណិតអាសូរ ព្រោះគិតថាពួកគេពិតជាអភ័ព្វណាស់ ដល់អាយុនេះទៅហើយនៅតែនៅលីវ។ តែពួកគេមិនបានដឹងទេថា ការពិតទៅមិនមែនមកពីពួកគេគ្មានគូទេ គ្រាន់តែគេជ្រើសយកជីវិតនៅលីវប៉ុណ្ណោះ។ ខាងក្រោមនេះគឺជាមូលហេតុទាំង៥យ៉ាងដែលធ្វើឲ្យស្រីៗសម័យនេះមិនចង់បានសង្សារ។

១.ពួកគេខ្លាចដៃគូមិនស្មោះ

ពួកគេសុខចិត្តនៅឯកាជាជាងនៅក្បែរមនុស្សដែលខ្លួនស្រលាញ់តែគ្មានអារម្មណ៍សុវត្ថិភាព។ មនុស្សស្រីជាច្រើនបានលះបង់សន្តិភាពដែលខ្លួនកំពុងមានដើម្បីប្រថុយយកគ្រោះថ្នាក់ដែលមនុស្សមាននាមជាសង្សារពាំនាំមក។

២. ពួកគេយល់ពីតម្លៃរបស់ខ្លួនឯង

ដូចនេះមិនមែនមនុស្សប្រុសណាតាមញ៉ែក៏ពួកគេទទួលយកនោះដែរ។ គេដឹងច្បាស់ពីតម្លៃរបស់ខ្លួនឯង និងស្ដង់ដាដែលត្រូវនឹងតម្លៃនោះ។ នៅពេលដែលត្រូវតម្លៃគ្នាហើយ ទើបពួកគេបើកចិត្តទទួលយក។ នេះក៏ជាមូលហេតុដែលភាគច្រើនពួកគេត្រូវអ្នកដទៃវាយតម្លៃថាវាយឫកដែរ។

៣. ពួកគេកំពុងរង់ចាំរាជបុត្រជិះសេះសរបស់ខ្លួន

មនុស្សស្រីមានពាក្យស្លោកមួយគឺ "រង់ចាំគឺសុភមង្គល"។ ដូចនេះហើយពួកគេនឹងរង់ចាំរាជបុត្ររបស់ខ្លួនទាល់តែបាន។ កំឡុងពេលរង់ចាំនេះ ទោះបីជាមានអ្នកចូលចែចូវយ៉ាងណាក៏ពួកគេមើលមិនចូលភ្នែកដែរ។

៤. ពួកគេឆ្លងកាត់ការឈឺចាប់ច្រើនពេក

ដូច្នេះហើយពួកគេមិនអាចបើកទ្វារបេះដូងសារជាថ្មី។ ពួកគេខ្លាចបើកហើយ នឹងទទួលយកអារម្មណ៍ទាំងអស់នោះម្ដងទៀត។ ពួកគេចង់ទុកពេលដើម្បីព្យាបាលមុខរបួសនេះឡើងវិញ។

៥. ពួកគេចូលចិត្តនៅអីចឹង

គ្មានច្បាប់ណាកំណត់ថាមនុស្សស្រីមិនអាចនៅម្នាក់ឯងនោះឡើយ។ ហើយក៏គ្មានអ្នកណាដាក់កំហិតថាស្រីៗត្រូវយកសង្សារនៅអាយុនេះ ហើយរៀបការនៅអាយុនោះ នោះឡើយ។ ពួកគេនៅក្មេង ពួកគេចង់ធ្វើអ្វីតាមចិត្តខ្លួនឯងដោយគ្មានគាបសង្កត់ ឬចងចំណង។ ដូចគ្នាដែរ ការមិនយកសង្សារ គឺគ្រាន់តែគេពេញចិត្តនៅដូចនេះតែប៉ុណ្ណោះ។

ចឹងមែនអត់អ្នកអត់គូគ្នាយើង?

ប្រភព៖ Guu អត្ថបទ៖ Caramel