តិចៗវិលមុខ បញ្ជាក់ថា ខាងក្នុងត្រចៀកមានបញ្ហា ហើយអាច...

2017-07-21 06:58:26
ចំនួនមតិ 0 | ចំនួនចែករំលែក 0

អារម្មណ៍ធេងធោង បណ្ដាលពីសកម្មភាពមួយចំនួនរបស់យើង ឬជារោគសញ្ញាជំងឺមួយចំនួន។ ឧទាហរណ៍ ពេលអ្នកខ្សោះជាតិទឹក បរិមាណឈាមថយចុះ ពេលនោះ សម្ពាធឈាមដែលទៅចិញ្ចឹមខួរក្បាល មិនគ្រប់គ្រាន់ ជាហេតុធ្វើឲ្យមានអារម្មណ៍ធេងធោង វិលមុខ ចង់ក្អួតចង្អោរ។

ប៉ុន្តែ បញ្ហាត្រូវខ្លាចជាងធេងធោងនោះគឺ វិលមុខ (Vertigo)។ ទោះបីមិនបណ្ដាលឲ្យស្លាប់ តែធ្វើឲ្យភ្លេចភ្លាំងច្រើន ប៉ះពាល់ដល់ការងារ និងការរស់នៅប្រចាំថ្ងៃ។ សញ្ញាវិលមុខនេះ អាចបណ្ដាលមកពីបញ្ហាត្រចៀកផ្នែកខាងក្នុងដែលមានកំណកកាល់ស្យូមតូចៗ។

រូបតំណាង

យ៉ាងណាក៏ដោយ យើងក៏មានវិធីការពារ និងបំបាត់ការវិលមុខនេះ ដូចជា៖

- វីតាមីន B12៖ ត្រូវពិនិត្យឈាមរកមើលកម្រិតវីតាមីន B12 ហើយញ៉ាំអាហារមានវីតាមីន B12 ខ្ពស់ ដូចជា សាច់ ផលិតផលធ្វើពីទឹកដោះគោ និងគ្រាប់ធញ្ញជាតិ។ អ្នកក៏អាចប្រើវីតាមីន B ចម្រុះផងដែរដើម្បីធានាថា អ្នកមានវីតាមីន B12 គ្រប់គ្រាន់សម្រាប់រាងកាយ។

- បេះដូង៖ ធេងធោងអាចមកពីសុខភាពបេះដូង ដោយសារបញ្ហាប្រឹសបេះដូង ស្ទះសរសៃឈាមបេះដូង ចង្វាក់បេះដូងមិនប្រក្រតី ជាដើម។ ត្រូវប្រញាប់ទៅពិនិត្យសុខភាពបេះដូង។

- ថ្នាំ៖ ពិនិត្យមើលការណែនាំប្រើប្រាស់ថ្នាំ ជាពិសេសពិគ្រោះយោបល់ជាមួយគ្រូពេទ្យពីផលប៉ះពាល់របស់ថ្នាំជាមុនសិន ដើម្បីជៀសវាងបញ្ហាមកពីការប្រើប្រាស់ថ្នាំ។

- របបអាហារ៖ ក្រៅពីកង្វះជាតិទឹក របបអាហារក៏អាចពាក់ព័ន្ធដែរ។ ត្រូវប្រាកដថារបបអាហារ មានកម្រិតកូឡេស្តេរ៉ុល សូដ្យូមទាប និងមានជាតិដែកខ្ពស់ ពិសេសញ៉ាំសាច់ត្រី គ្រាប់ធញ្ញជាតិ ទឹកផ្លែឈើ ដែលសម្បូរជាតិប៉ូតាស្យូម និងវីតាមីន B ខ្ពស់។

បើមានសំណួរពាក់ព័ន្ធនឹងអត្ថបទនេះ ឬការថែរក្សាសុខភាព អាចទាក់ទងតាម៖