ដាច់ខាតកុំ Chat របៀបនេះ ទៅកាន់ Crush ឲ្យសោះ!

2017-07-20 13:23:00
ចំនួនមតិ 0 | ចំនួនចែករំលែក 0

ការ Chat ក៏ជាវិធីមួយ ដើម្បីធ្វើឲ្យ Crush របស់យើង អាចទោរទន់ចិត្តមកលើយើង ក្រៅតែពីការជួបមុខគ្នាផងដែរ។ ដូច្នេះ អ្នកគួរតែប្រយ័ត្នប្រជែងឲ្យមែនទែន លើការសរសេរ នៅក្នុង Chat ទាំងនោះ។ ពេលនេះ Kanha មានតិចនិកខ្លះ ដែលអ្នកគួរតែ កុំធ្វើ ពេល Chat ទៅ Crush ៖

១. មិនបាច់ដាក់ចំណងជើងក្នុងរូបថតដែលផ្ញើទៅគេទេ

បើថាចង់ផ្ញើរូបអីឲ្យគេមើល មិនបាច់ចាំបូរបាច់ ដាក់ចំណងជើងឲ្យរូបនោះទេ។ តែបើគេសួរ ក៏ឆ្លើយទៅ។

២. កុំផ្ញើរូបស៊ិចស៊ីទៅគេ

គេមិនទាន់ជាសង្សាររបស់យើងនោះទេ ដូច្នេះ បើផ្ញើរូបថតលេចលើលេចក្រោម ឲ្យគេ ក៏គេប្រហែលជាមិនមែនពេញចិត្តទាំងស្រុងដែរ។ ស្រួលមិនស្រួល គេវាយតំលៃថាអ្នកមិនល្អ ហើយមិនចាប់អារម្មណ៍តែម្តង។

៣. កុំផ្ញើតែអក្សរ ឬ sticker សំណើច

“LOL” , “hahaha” បើយូរៗម្តងមិនអីទេ ប៉ុន្តែបើរឿងអីក៏សើចរហូតអីចឹង គេប្រាកដជាមានអារម្មណ៍ធុញ ហើយគិតថា អ្នកបែបជាមិនចង់និយាយជាមួយគេទៀតទេ។

៤. កុំគិតតែផ្ញើសារទៅគេរហូត

ទោះបីជាគេមើលទៅ ចាប់អារម្មណ៍នឹងយើងក៏ដោយ ប៉ុន្តែបើថាផ្ញើសារទៅរកគេរហូត គេប្រាកដជាគិតថា យើងបែបជាស្រលាញ់គេខ្លាំង ហើយគេនឹងបានចិត្តវិញ។

៥. កុំផ្ញើសារពេលគេរវល់

យើងអាចសម្គាល់ ឬ សួរគេថា ពេលណាគេរវល់ ដើម្បីកុំឲ្យរំខានគេនៅពេលនោះ។ ធ្វើឲ្យគេមានពេលសម្រាប់ខ្លួនគេខ្លះ មិនមែនសម្រាប់តែឆាតរកយើងនោះទេ។

៦. កុំសួរគេថាបានទទួលសារយើង ឬ អត់

ទោះឃើញ seen ហើយគេមិនឆ្លើយតបនឹងយើង ក៏យើងមិនបាច់សួរបែបហ្នឹងដែរ។ អាចសួរពីអ្វីផ្សេង ហើយបង្វែរទៅសួរសំណួរហ្នឹងជាថ្មី ក៏បាន។

ចុច៖ ១០សំណួរ ដែលមនុស្សស្រីគួរសួរ ដើម្បីស្វែងយល់ពីសង្សារថ្មីថ្មោងរបស់ខ្លួន

៧. កុំអង្គុយចាំគេឆ្លើយមកវិញ

អារម្មណ៍បែបនេះ ពិតជាពិបាកណាស់! ប៉ុន្តែមិនបាច់ចាំនោះទេ ទៅធ្វើអ្វីផ្សេងទៅ។ ហើយចាំ ៣ ឬ ៤ម៉ោងក្រោយ បើគេនៅតែមិនឆ្លើយទេ ចាំយើងឆាតទៅសួរគេមួយម៉ាត់ទៅ (សួរសំណួរផ្សេង ឬ ផ្ញើ sticker អ្វីមួយជាសញ្ញា)។

៨. កុំឆ្លើយតបដោយពាក្យមួយម៉ាត់

មនុស្សប្រុសស្អប់ណាស់ ចម្លើយក្នុងសារតែមួយម៉ាត់ៗ ដូច្នេះគួរឆ្លើយឲ្យមានពាក្យ ២ ឬ ៣ម៉ាត់ ជាការល្អ។

៩. កុំនិយាយតែពីរឿងក្នុង Facebook

ទោះបីជាយើងឃើញគេផុសរូបអ្វីក្នុង Facebook យើងមិនគួរសួរគេញឹកញាប់ពីរឿងនោះទេ។ ហើយយើងក៏មិនបាច់ចាំនិយាយពីរឿងដែលមាននៅក្នុង Facebook ប្រាប់គេរហូតដែរ ព្រោះថាពេលខ្លះ គេក៏មិនបានចាប់អារម្មណ៍ពីវានោះដែរ។

ចុច៖ វិធី Chat ដែលធ្វើឲ្យប្រុសៗមិនធុញនឹង Reply វិញ

១០. កុំបាច់បញ្ជាក់ប្រាប់គេថា អ្នកនៅលីវ

គេអាចគិតថា អ្នកបែបចង់បានគេជាសង្សារ ឬ ជាប្តី ខ្លាំងណាស់ហើយ បានជាខំនិយាយបែបនេះ។ បើគេពិតជាចាប់អារម្មណ៍អ្នកមែន គេប្រាកដជាតាមដានរឿងនេះ៕

ចុចអាន៖ ចង់ស្រឡាញ់ Crush ឲ្យបានសម្រេច សាកវិធីទាំង ៦ នេះទៅ

ប្រភព៖ Beautyandtips ប្រែសម្រួល៖ ភារី