Song Joong Ki ទម្លាយមូលហេតុខ្លួនមានមោទនភាពលើ Song Hye Kyo

2017-07-20 04:02:24
ចំនួនមតិ 0 | ចំនួនចែករំលែក 0

បង្ហាញមុខក្នុងកម្មវិធីថ្មីៗនេះ តារាសម្ដែងលំដាប់ A Song Joong Ki បានបង្ហើបពីសកម្មភាពរបស់អនាគតភរិយា Song Hye Kyo ដែលធ្វើឲ្យខ្លួនមានមោទនភាព។

Song Joong Ki

កាលពីថ្ងៃទី១៩ខែកក្កដាកន្លងទៅនេះ តារាសម្ដែងរបស់ភាពយន្ត "The Battleship Island” បានមានវត្តមាននៅ Yongsan I'Park Mall ទីក្រុងសេអ៊ូលប្រទេសកូរ៉េដើម្បីផ្សព្វផ្សាយភាពយន្តនេះ។ ជាមួយគ្នាដែរព័ត៌មានកំពូលតារាសម្ដែង Song Hye Kyo នឹងចូលរួមក្នុងថ្ងៃបញ្ចាំងដំបូងរបស់ភាពយន្តនេះដើម្បីគាំទ្រអនាគតស្វាមីក៏បានធ្វើឲ្យរង់ចាំយ៉ាងអន្ទះសា។

នៅក្នុងសន្និសីទនេះ ប្រុសស្អាតអាយុ៣១ឆ្នាំបានប្រាប់ពីមូលហេតុដែលធ្វើឲ្យលោកមានមោទនភាពពីដៃគូជីវិតរបស់ខ្លួន។ កាលពីឆ្នាំមុន តួរឿងឯកស្រីរឿង "បំណុលផ្ទះជំពាក់ស្នេហ៍" (Full House) បានបដិសេធកិច្ចសន្យាផ្សាយពាណិជ្ជកម្មរបស់ក្រុមហ៊ុនផលិតរថយន្តជប៉ុនដែលកាលពីអតីតកាលធ្លាប់រំលោភកម្លាំងពលកម្មប្រជាជនកូរ៉េ។

ប្រុសស្អាតត្រកូល Song បាននិយាយថា៖ "បើសិនជាខ្ញុំ ខ្ញុំក៏ធ្វើដូចនោះដែរ វាសមស្របទេតើ។ នារីដែលមានការសម្រេចចិត្តដូចនោះ នៅពេលនេះគឺជាមនុស្សដែលខ្ញុំស្រលាញ់"៕