ឃើញខ្សែកជ្រុះតាមផ្លូវ ក៏រើសយកមកឱ្យបងស្រី ស្រាប់តែបងស្រីជួបរឿងមិននឹកស្មាន

2017-07-17 07:55:23
ចំនួនមតិ 0 | ចំនួនចែករំលែក 0

ប្អូនប្រុសរបស់ចរិយារើសបានខ្សែកពណ៌ស បន្តោងចំណិតព្រះចន្ទមួយខ្សែនៅតាមផ្លូវ។ ដោយយល់ថាវាជារបស់មនុស្សស្រី គេក៏ឱ្យទៅចរិយា។

ចរិយាមិនដឹងថាខ្សែកនោះផលិតពីវត្ថុធាតុអ្វីនោះទេ ហេតុនេះហើយនាងក៏មិនបានចាប់អារម្មណ៍អីនឹងវាដែរ។ តែនៅយប់មួយនោះ ចរិយាស្រាប់តែខូចឡានតាមផ្លូវ ផ្លូវម្ដុំណាក៏នាងមិនដឹង គ្មានមនុស្សជិះកាត់ នៅសង្ខាងសុទ្ធតែព្រៃ សំឡេងសត្វយំគួរឱ្យខ្លាច។

គ្រានោះហើយដែលរឿងមិននឹកស្មានមួយកើតឡើង! ចរិយាស្រាប់តែឆ្លងភពទៅក្នុងសម័យអង្គរដ៏រុងរឿង ទៅកាន់ក្នុងភូមិមួយដែលមានអ្នកគ្រប់គ្រងម្នាក់នៅចាំមើលការខុសត្រូវ។ អ្នកគ្រប់គ្រងនោះ ត្រូវបានអ្នកភូមិគេហៅថា «លោកម្ចាស់»។ ទៅដល់ទីនោះភ្លាម ចរិយាត្រូវគេថាជាជនក្បត់ដែលបន្លំខ្លួនចូលមកក្នុងភូមិ ព្រោះនាងស្លៀកពាក់ប្លែកពីគេ។

តើវាសនារបស់ស្រីតូចចរិយានឹងទៅជាយ៉ាងណាក្នុងសម័យបុរាណកាលបែបនេះ? តើនាងអាចត្រឡប់មកសម័យបច្ចុប្បន្នវិញបានទេ? កុំភ្លេចរង់ចាំអានទាំងអស់គ្នា នៅលើប្រលោមលោកSabay ដែលនឹងចេញផ្សាយនៅថ្ងៃស្អែក ទី១៨ខែកក្កដា ឆ្នាំ២០១៧នេះហើយ!

អត្ថបទ៖ ខ្មៅ