មានអញ្ចឹងដែរ! ការស្រាវជ្រាវបង្ហាញថាស្ត្រីដែលមានប្ដីសង្ហាច្រើនតែមានបញ្ហារឿងញ៉ាំអាហារ

2017-07-17 03:10:11
ចំនួនមតិ 0 | ចំនួនចែករំលែក 0

«ស្ត្រីដែលមានប្ដីស្រស់សង្ហាច្រើនតែវិវត្តទៅរកបញ្ហារឿងញ៉ាំអាហារដែលធ្វើឲ្យប៉ះពាល់ដល់សុខភាព» នេះគឺជាលទ្ធផលចេញពីការសិក្សាស្រាវជ្រាវរបស់សាកលវិទ្យាល័យរដ្ឋ Florida (Florida State University) សហរដ្ឋអាមេរិក។

បញ្ហារឿងញ៉ាំអាហារនេះគឺចង់បញ្ជាក់ថាស្ត្រីដែលមានប្ដីស្រស់សង្ហាតែងបារម្ភក្នុងចិត្តថាខ្លួនអន់ជាងប្ដី ហើយក៏ព្យាយាមមិនញ៉ាំអាហារព្រោះខ្លាចធាត់ ឬរាងមិនស្អាតជាដើម។ ពួកគេច្រើនគិតថាត្រូវធ្វើយ៉ាងណាឲ្យរាងស្អាតព្រោះខ្លាចប្ដីមិនស្រឡាញ់ដែលវាហាក់ដូចជាការដាក់សម្ពាធដល់ខ្លួនឯងដូច្នេះដែរ។ ផ្ទុយទៅវិញ បុរសកម្រនឹងគិតរឿងបែបនេះណាស់បើទោះបីប្រពន្ធខ្លួនស្រស់ស្អាតប៉ុណ្ណាក៏ដោយ។

ការសិក្សានេះគឺជាការពន្យល់យ៉ាងសំខាន់ទាក់ទងទៅនឹងបញ្ហាសុខភាពស្ត្រីដែលបណ្ដាលមកពីការញ៉ាំអាហារមិនសមស្រប។ វាថែមទាំងពន្យល់ពីការថប់បារម្ភក្នុងចិត្តរបស់ស្ត្រីផងដែរ។

ដំណោះស្រាយដ៏ល្អបំផុតក្នុងបញ្ហានេះគឺមានតែប្ដីជាអ្នកបញ្ជាក់ថាខ្លួនស្រឡាញ់ប្រពន្ធប៉ុណ្ណេះទើបជាការប្រសើរ។ ពួកគេគួរតែផ្ដោតលើការរក្សាចំណងស្នេហាឲ្យស្ថិតស្ថេរជាជាងមើលគ្នាតែរូបរាងខាងក្រៅ៕

អាន៖ ញ៉ាំអាហារទាំង ៧ យ៉ាងនេះនារីក៏អាចកាត់បន្ថយស្ត្រេសបានដែរ

អាន៖ អ្នកណាថារួមភេទក្នុងអំលុងពេលមករដូវជារឿងអាក្រក់?

ប្រភព៖ Dailymail ប្រែសម្រួល៖ Chhai Yarith