ការពិត Song Hye Kyo និង Song Joong Ki បានភ្ជាប់ពាក្យជាមួយគ្នាតាំងពីយូរម្ល៉េះ

2017-07-13 04:26:04
ចំនួនមតិ 0 | ចំនួនចែករំលែក 0

យោងតាមបណ្ដាញព័ត៌មានកូរ៉េ គូស្នេហ៍តារាសម្ដែងល្បីឈ្មោះ Song Joong Ki និង Song Hye Kyo បានភ្ជាប់ពាក្យកាលពីកន្លះឆ្នាំមុនរួចហើយ។

បណ្ដាញព័ត៌មាន BusanIlbo របស់កូរ៉េទើបតែរាយការណ៍ថា នៅក្នុងកម្មវិធី Real Story Eye របស់ប៉ុស្តិ៍ MBC ចាក់ផ្សាយថ្ងៃទី១១ ខែកក្កដាមុននេះ ក្រុមការងាររបស់កម្មវិធីបានចុះទៅដល់ហាងស្រាល្បីឈ្មោះនៅទីក្រុងតូក្យូ ប្រទេសជប៉ុន កន្លែងដែលគូស្នេហ៍តារាសម្ដែង Song Joong Ki និង Song Hye Kyo បានធ្វើពិធីជប់លៀងកាលពី៦ខែមុន។

បុគ្គលិកក្នុងហាងបានទម្លាយថា៖ "ពួកគេបានមកជាមួយមនុស្សប្រមាណ៣០នាក់។ ខ្ញុំគិតថាវាគឺជាពិធីភ្ជាប់ពាក្យ ព្រោះពេលកក់ហាងគឺឮព័ត៌មានដូចនោះ។ បុរសនោះប្រហែលបានសុំមិត្តស្រីរៀបការ។ ក្រោយពេលគេអោយបាច់ផ្កាទៅមិត្តស្រី ខ្ញុំឮមនុស្សនៅក្នុងនោះស្រែកហ៊ោរកញ្ជ្រៀវ"។

បុគ្គលិកដដែលនេះបន្ថែមថា រូបថតដែលបណ្ដាញព័ត៌មាន Dispatch បញ្ចេញនោះគឺជារូបថតថ្ងៃដែលតួរឿង "Descendants of the Sun” បង្ហាញមុខក្នុងហាងស្រានេះដែរ ៕