តាមពិតជីវិតតារា K-Pop ពិបាកជាងអ្វីដែលយើងធ្លាប់គិត
- 2017-06-25 03:42:05
- ចំនួនមតិ 0 | ចំនួនចែករំលែក 0
តាមពិតជីវិតតារា K-Pop ពិបាកជាងអ្វីដែលយើងធ្លាប់គិត
K-Pop ជាវិស័យចម្រៀងមួយដែលកំពុងលេចធ្លោយ៉ាងខ្លាំងពិសេសពីសំណាក់យុវវ័យ។ ជីវិតតារានីមួយៗមើលទៅឡូយឆាយខ្លាំង ប៉ុន្តែតើអ្នកដឹងទេថាពួកគេមានផលលំបាកជាច្រើនដែលយើងមិនធ្លាប់គិតដល់៖
១. ធ្វើការតាមកុងត្រា៖ ហើយជាពិសេសគឺកុងត្រារយៈពេលយូរតែម្ដង។ បញ្ហារញ៉េរញ៉ៃនឹងកើតឡើងនៅពេលដែលក្រុងចម្រៀងត្រូវបានរំសាយមុនបញ្ចប់កុងត្រា ជាក់ស្ដែងដូចជាក្រុម 2NE1, KARA, 4minute, និង Rainbow ជាដើម។ មិនតែប៉ុណ្ណោះក៏មានបញ្ហាសមាជិកដើរចេញពីក្រុម ឬតារាចម្រៀងប្ដឹងខាងផលិតកម្មពីរឿងធ្វើការដូចទាសករក្រោមកុងត្រាទៀតផង។
២. បញ្ហាលើការចំណាយ៖ ចំណូលរបស់តារានីមួយៗមិនបានទទួលភ្លាមទេ គឺត្រូវចាំរហូតដល់គេចាប់ផ្ដើមល្បីឈ្មោះ។ វាអាចស៊ីពេលដល់ទៅ ២ ឬ ៣ ឆ្នាំ ឯណោះ។ បើគេមិនប្រឹងប្រែងហ្វឹកហាត់ខ្លាំងទេ ចំណូលដែលរកបានគឺមិនរួចថ្លៃម្សៅក្រែមទេ។
៣. ធ្វើការលើសម៉ោងកំណត់៖ ដោយសារតែទីផ្សារប្រកួតប្រជែងខ្លាំង តារានីមួយៗត្រូវចេញអាល់ប៊ុមចម្រៀងឲ្យបានច្រើន ថែមទាំងចំណាយពេលផ្សព្វផ្សាយទាំងក្នុង និងក្រៅប្រទេសទៀតផង។
៤. ត្រឹមច្រៀង និងរាំមិនគ្រប់គ្រាន់ទេ៖ មានតារា K-Pop ជាច្រើនដូចជា Suzy ក្រុម Miss A, UEE និង Nana របស់ក្រុម After School , IU, Yook Sungjae ក្រុម BTOB, D.O របស់ក្រុម EXO, និង Hyeri នៅក្រុម Girl’s Day ជាដើមសុទ្ធតែបានវិវត្តខ្លួនឲ្យទៅជាតារាសម្ដែងដើម្បីទទួលទីផ្សារកាន់តែទូលាយ។
៥. មិនអាចធ្វើអ្វីតាមចិត្តបាន៖ ពួកគេមិនអាចបង្ហាញចរិតឆេវឆាវ ឬដើរទៅនេះតាមចិត្តចង់ទេព្រោះវាអាចប៉ះពាល់ដល់កេរ្តិ៍ឈ្មោះរបស់គេព្រមទាំងកេរ្តិ៍ឈ្មោះផលិតកម្មទៀតផង៕
អាន៖ Yoona និង CL ប៉ះគ្នាក្នុងកម្មវិធីបង្ហាញម៉ូដ អ្នកណាស្អាតជាង?
អាន៖ ដំណឹងល្អ! ក្រុមស្រីស្អាត Girl Generation ជិតត្រឡប់មកវិញហើយ