ហេតុអ្វីយើងមិនមានមិត្តល្អដូចគេ?

2017-06-17 04:35:14
ចំនួនមតិ 0 | ចំនួនចែករំលែក 0

ធ្លាប់ជួបបញ្ហានេះទេ បញ្ហារឿងពិបាកថែរក្សាមិត្តភាព? ហេតុអ្វីយើងមិនមានមិត្តល្អដូចគេ? វាអាចមានកត្តាជាច្រើនដែលបណ្ដាលឲ្យយើងស្ថិតក្នុងស្ថានភាពបែបនេះ៖

១. យើងគិតអវិជ្ជមានពេក៖ ជួនកាលយើងតែងគិតអ្វីៗក្នុងផ្លូវមិនល្អដែលធ្វើឲ្យអ្នកជុំវិញយើងមានអារម្មណ៍មិនល្អ និងមិនចង់រាប់អានជាមួយយើង។

២. មិនទាន់ចេះយល់អារម្មណ៍អ្នកដទៃ៖ មិត្តយើងគេមិនមែនគិតដូចយើងគ្រប់ពេលទេ។ អ្នកគួរសង្កេតពីអ្វីដែលគេចង់បានទើបមិត្តភាពអាចនៅយូរអង្វែង។

៣. មិនខ្វល់ពីមិត្តភ័ក្ដិ៖ បើយើងមានទម្លាប់នេះ យើងគួរតែប្រញាប់កែតម្រូវ។ ត្រូវចាំថាយើងចង់បានប្រយោជន៍មកខ្លួនយើង គេក៏ដូចគ្នា។

៤. យើងរាប់អានមនុស្សខុស៖ ជួនកាលយើងអាចចូលក្នុងចំណោមមិត្តភ័ក្ដិខុសដែលពួកគេមានចរិតផ្ទុយពីយើងក៏អាចថាបាន។

៥. គិតថាយើងខ្លួនឯងត្រូវជានិច្ច៖ សាកគិតមើលថាអ្នកជាមនុស្សបែបនេះមែនទេ? មិនថានិយាយអ្វី យើងត្រូវជានិច្ច ហើយគេខុស។ បើមាន អ្នកគួរប្រញាប់កែចំណុចនេះទៅ។

៦. នឹកនាមិត្តភ័ក្ដិតែពេលត្រូវការប៉ុណ្ណោះ៖ ចំណុចនេះអាចធ្វើឲ្យមិត្តមិនចូលចិត្តដែរព្រោះគេវាយតម្លៃថាយើងជាមនុស្សសម្លឹងតែប្រយោជន៍។

៧. មិនព្យាយាមថែរក្សាមិត្តភាពសោះ៖ បើអង្គុយនៅតែក្នុងបន្ទប់ យើងក៏គ្មានមិត្តដែរ។ ត្រូវចេះរីករាយ និងបង្កើតអនុស្សាវរីយ៍ល្អៗជាមួយមិត្តភ័ក្ដិ។ ធ្វើបែបនេះ មិត្តភាពនឹងស្ថិតស្ថេរបានយូរ៕