ចង់ឲ្យលោកប៉ាញញឹមបិទមាត់មិនជិតនៅថ្ងៃបុណ្យឪពុកអត់? កុំភ្លេចទិញកាដូទាំងនេះឲ្យគាត់ណា៎
- 2017-06-16 03:00:22
- ចំនួនមតិ 0 | ចំនួនចែករំលែក 0
ចង់ឲ្យលោកប៉ាញញឹមបិទមាត់មិនជិតនៅថ្ងៃបុណ្យឪពុកអត់? កុំភ្លេចទិញកាដូទាំងនេះឲ្យគាត់ណា៎
ថ្ងៃបុណ្យឪពុកនឹងចូលមកដល់នៅថ្ងៃទី ១៨ ខែមិថុនានេះហើយ កូនៗទាំងឡាយមានកាដូអ្វីសម្រាប់គាត់ហើយឬនៅ? បើមិនទាន់ដឹងថាត្រូវទិញអ្វីទេ អ្នកអាចពិចារណាកាដូឡូយៗខាងក្រោមនេះបាន៖
១. វែនតា៖ បើគាត់មានវ័យចំណាស់បន្តិចហើយ កាដូនេះប្រាកដជាត្រូវចិត្តគាត់មិនខាន។
២. កាសស្ដាប់ចម្រៀង៖ កុំគិតថារបស់នេះសម្រាប់តែក្មេងៗណា៎ ថាមិនត្រូវគាត់ចូលចិត្តជាងយើងផង។
៣. ខោជើងវែង៖ ទិញខោសាច់ក្រណាត់ល្អមួយជូនគាត់ ប្រាកដជាញញឹមបិទមាត់មិនជិតទេ។
៤. កាតាបយួរដៃ៖ សក្ដិសមបំផុតសម្រាប់បុរសៗ។ កាតាបបែបនេះនឹងជួយសម្រួលដល់ការងារដាក់ឯកសារគាត់បានច្រើន។
៥. អាវធំ៖ បើគាត់ត្រូវជិះម៉ូតូ ឬឡានចុះខេត្ត ឬទៅធ្វើការឆ្ងាយៗ គាត់ប្រាកដជាស្រឡាញ់អាវបែបនេះ។
៦. វ៉ាលីស៍ដាក់ខោអាវ៖ ងាយស្រួលអូសពេលគាត់ទៅដើរលេង ឬ ទៅបំពេញការងារនៅកន្លែងឆ្ងាយៗ។
៧. ក្រវាត់ក៖ កុំភ្លេចជ្រើសរើសពណ៌ដែលគាត់ចូលចិត្តណា៎។
៨. ខ្សែក្រាវាត់៖ គួរជ្រើសរើសម៉ូដដែលសាមញ្ញតែគុណភាពល្អសម្រាប់គាត់។
៩. កាមេរ៉ា៖ ជាកាដូសំណព្វចិត្តរបស់បុរសៗទាំងឡាយ។ បើអ្នកមានលទ្ធភាពទិញ វានឹងជាកាដូពិសេសបំផុតហើយសម្រាប់ថ្ងៃបុណ្យឪពុកនេះ។
១០. ខោខ្លីៗ៖ ងាយស្រួលឲ្យគាត់ស្លៀកនៅផ្ទះ ឬហាត់កីឡាជាដើម។
១១. នាឡិកា៖ បុរសឯណាមិនស្រឡាញ់នាឡិកានោះ?
១២. ចំណាយពេលជាមួយគាត់៖ នេះជាកាដូមិនអាចគិតថ្លៃបាន។ សាកគិតមើលថាមួយថ្ងៃៗយើងបានចំណាយពេលប៉ុន្មានជាមួយគាត់? មិនច្រើនទេមែនទេ? អញ្ចឹង អ្នកគួរចំណាយពេលវេលានេះធ្វើអ្វីឲ្យគាត់សប្បាយចិត្តម្ដង៕