ស្រីៗគួរដឹងពីវិធីលួងលោមមិត្តប្រុស ពេលគេមិនសប្បាយចិត្ត

2017-06-14 03:10:30
ចំនួនមតិ 0 | ចំនួនចែករំលែក 0

នេះជាតួនាទីយើងដែលនៅចាំលួងលោមមិត្តប្រុសពេលគេមិនរីករាយ។ ព្រោះការលួងលោម បង្ហាញថាយើងបារម្ភ និងយកចិត្តទុកដាក់ពីគេគ្រប់ពេល។ ៦ វិធីខាងក្រោម អាចជួយលួងលោមចិត្តមិត្តប្រុសពេលមិនរឿងមិនសប្បាយចិត្ត៖

១.បបួលគាត់ចេញក្រៅ

គួរហៅទៅកន្លែងដែលគាត់ចូលចិត្តដូចជាហាងអាហារ,ទៅមើលកុន ឬកន្លែងដើរលេងផ្សេងៗ ដែលមានបរិយាកាសរីករាយ។ ធ្វើបែបនេះអារម្មណ៍មួហ្មងដែលមាន នឹងបានរសាយតាមបរិយាកាសខ្លះៗតាមទីកន្លែង។

២.និយាយជាមួយគាត់

គួរលួងលោមដោយនិយាយជាមួយគាត់ និងឲ្យរៀបរាប់ពីទុក្ខលំបាកក្នុងចិត្តចេញមក ព្រមទាំងនិយាយលើកទឹកចិត្តគាត់។ ពេលដែលបាននិយាយរឿងពិបាកក្នុងចិត្តចេញមកអស់ហើយ គាត់នឹងមានអារម្មណ៍ល្អឡើងវិញ។

៣.ជួយគាត់

ប្រសិនបើការងាររបស់គាត់ មិនជាពិបាកខ្លាំង ហើយយើងមានសមត្ថភាពអាចធ្វើបាន យើងគួរតែជួយសម្រួលទុក្ខលំបាកបានមួយគ្រាៗ។

៤.សរសើរគាត់

វិធីមួយដែលមានប្រសិទ្ធភាពធ្វើឲ្យមនុស្សមិនសប្បាយចិត្ត ប្រែមករីករាយវិញ គឺពាក្យសរសើរនេះឯង។ ពេលនឹងថាមិត្តប្រុសកើតទុក្ខរឿងអ្វីមួយ យើងគួរនិយាយសរសើរគាត់ថា "ប្រសិនបើអ្នកផ្សេងគឺមិនអាចធ្វើបានដូចបងឡើយ”។ ម្យ៉ាងទៀតគួរនិយាយពីការខិតខំប្រឹងប្រែងកន្លងមករបស់គាត់។

៥.ធ្វើឲ្យគាត់មានអារម្មណ៍ពិសេសៗ

គួរធ្វើយ៉ាងណាឲ្យគាត់ដឹងថា គាត់ពិតជាពិសេសជាងបុរសដទៃ ដោយលើកឧទាហរណ៍ចំៗពីអ្នកដែលគ្មានសមត្ថភាពមកប្រៀបធៀបនឹងគាត់។

៦.ជួយជំរុញឲ្យគាត់ឆ្លងកាត់ដំណាក់កាលនោះ

យើងគួរតែនៅក្បែរគ្រប់ពេល និងធ្វើជាទីព្រឹក្សាដល់គាត់ជម្នះការលំបាកទាំងអស់គ្នា។ ជាពិសេសជំរុញឲ្យគាត់ពុះពារ និងកុំបោះបង់រហូតឆ្លងផុតដំណាក់កាលអាក្រក់នេះបាន៕

ប្រភព៖ Likelovequotes ប្រែសម្រួល៖ ទ្រី រ៉ាវី