តារាកែភេទកូរ៉េ លែងប្ដីចោល ក្រោយរស់នៅជាមួយគ្នា១០ឆ្នាំ
- 2017-06-13 09:00:11
- ចំនួនមតិ 0 | ចំនួនចែករំលែក 0
តារាកែភេទកូរ៉េ លែងប្ដីចោល ក្រោយរស់នៅជាមួយគ្នា១០ឆ្នាំ
បណ្ដាញព័ត៌មានកូរ៉េបានរាយការណ៍ថា តារាស្រីកែភេទ Harisu និងប្ដីរបស់ខ្លួន លោក Micky ទើបតែចែកផ្លូវគ្នាដើរ បន្ទាប់ពីបានរួមរស់ជាមួយគ្នាអស់១០ឆ្នាំ។ ដោយសារតែគ្មានចុះឈ្មោះអាពាហ៍ពិពាហ៍ និងមិនត្រូវបានច្បាប់ទទួលស្គាល់ ដូចនេះហើយគូស្នេហ៍នេះបានត្រឹមតែបែកគ្នាដោយមិនបានឡើងតុលាការអ្វីនោះឡើយ។
គេហទំព័រ 163 បានឲ្យដឹងថា មូលហេតុដែលនាំមកនូវការបែកគ្នានេះគឺដោយសារតែភាពផ្ទុយគ្នាក្នុងគំនិតរបស់អ្នកទាំងពីរ បញ្ហាលុយកាក់ និងភាពសាបរលាបនៃមនោសញ្ចេតនា។ ប្រភពមួយទៀតបានទម្លាយថា ដោយសារតែជំនួញរបស់ Micky ត្រូវបរាជ័យទើបមានរឿងនេះកើតឡើង។
គួរបញ្ជាក់ផងដែរ Harisu គឺជាតារាកែភេទទី១របស់វិស័យសិល្បៈកូរ៉េ។ តារាវ័យ៤២ឆ្នាំរូបនេះ បានរៀបការនឹង Micky កាលពីឆ្នាំ ២០០៧។ មង្គលការរបស់នាងបានធ្វើឲ្យកក្រើកពិភពសិល្បៈកូរ៉េនៅពេលនោះ៕