រូបមន្តងាយៗជួយរក្សាសរសៃសក់អ៊ុតត្រង់ឲ្យនៅរស់រវើក មិនស្អិត បែកចុង

2017-06-12 02:47:51
ចំនួនមតិ 0 | ចំនួនចែករំលែក 0

បច្ចុប្បន្ននរណាៗក៏និយមអ៊ុតសក់ត្រង់ដែរ ព្រោះធ្វើឲ្យសក់មិនសំពីងសំពោងរញ៉េរញ៉ៃ។ ថ្វីត្បិតតែការមានផលល្អខ្លះៗក៏ពិតមែនតែកម្តៅនិងសារធាតុគីមីដែលមាននៅក្នុងទឹកថ្នាំអ៊ុតសក់ត្រង់ទាំងនោះបង្កផលប៉ះពាល់ច្រើនដល់សុខភាពសក់ ដូចជាធ្វើឲ្យសក់ស្ងួតបែកចុង ផុយស្រួយ បាត់បង់អស់ជាតិសំណើមឬធ្វើឲ្យសក់ខូចតែម្តង។

ដើម្បីកែខៃបញ្ហាទាំងអស់នេះ បន្ទាប់ពីអ៊ុតសក់ត្រង់ហើយ សុភាពនារីទាំងឡាយត្រូវយកចិត្តទុកដាក់ថែរក្សាសក់ឲ្យបានច្រើនជាងមុនបន្តិច។ ថ្ងៃនេះកញ្ញានឹងណែនាំពីវិធីសំខាន់ៗ ២យ៉ាង ដើម្បីជួយឲ្យសរសៃសក់អ៊ុតត្រង់ នៅស្រស់ស្អាត មិនស្អិតបែកចុង គឺធ្វើតាមវិធីធម្មជាតិ និងប្រើផលិតផលជំនួយសក់ ដែលមានលក់នៅលើទីផ្សារស្រាប់។

១. ថែបំប៉នសក់តាមវិធីធម្មជាតិ៖

យកផ្លែប៊ើរទុំមកកិនឲ្យម៉ដ្ឋ រួចចាក់ទឹកឃ្មុំ១ស្លាបព្រាបាយ និងប្រេងអូលីវ២ស្លាបព្រាបាយ កូរបញ្ចូលគ្នា រួចយកមកបំពោកឲ្យសព្វតាំងពីគល់ដល់ចុងសក់ បន្ទាប់មកយកមួកប្លាស្ទិកមកគ្របក្បាលទុកចោលប្រមាណ២០ ទៅ៣០នាទី សឹមកក់សក់ដោយសាប៊ូធម្មតា។ ធ្វើតាមវិធីនេះ ១ខែម្តង ឬ២ដង ធានាថាសក់នៅតែស្រស់ស្អាត ព្រោះគុណប្រយោជន៍ពីវីតាមីនច្រើនប្រភេទក្នុងផ្លែប៊ើរ ជាតិសំណើមពីទឹកឃ្មុំ និងប្រេងអូលីវ អាចជួយបំប៉នសក់ស្ងួតបែកចុង គ្មានទម្ងន់ឲ្យមកត្រង់ រលាស់ មានសុខភាពល្អ និងមានទម្ងន់។

២. ប្រើផលិតផលជំនួយសក់៖

ដើម្បីជួយសម្រួលដល់ការថែរក្សាសក់ បច្ចុប្បន្នផលិតផលជំនួយសក់មានច្រើនប្រភេទណាស់ ប៉ុន្តែមុននឹងទិញត្រូវពិនិត្យមើល តើមានគុណភាពប្រសិទ្ធភាពហើយត្រូវនឹងប្រភេទសក់យើងឬអត់?ផលិតផលថែរក្សាសក់ទាំងនោះមានដូចជា៖

-ក្រែមបន្ទន់សក់

-ក្រែមអប់សក់

-សេរ៉ូមសក់

-វីតាមីនបំប៉នសក់ ប្រសិនចង់បានផលិតផលថែរក្សាសក់ដែលមានគុណភាព និងតម្លៃសមរម្យ កញ្ញាសូមណែនាំវីតាមីននិងសេរ៉ូមសក់ភើហ្វិកឃែរ។ ផលិតផលទាំងពីរនេះផ្សំឡើងតាមរូបមន្តធម្មជាតិ ដោយចម្រាញ់ចេញពីប្រេងគ្រាប់ធញ្ញជាតិ ៣ប្រភេទ គឺប្រេងArganប្រេងផ្លែប៊ើរ និងប្រេងសណ្ដែក។ សេរ៉ូម និងវីតាមីនសក់ភើហ្វិកឃែរមានប្រសិទ្ធភាពខ្ពស់ក្នុងការថែរក្សា និងព្យាបាលសក់ខូច អាចរកទិញបាននៅគ្រប់ផ្សារទំនើបនិងផ្សារធម្មតា៕

អត្ថបទ៖ ដេត ធន្នី