ឪពុកម្ដាយគួរធ្វើរឿង ៦ យ៉ាងនៅចំពោះមុខកូនៗ ដើម្បីឲ្យពួកគេទទួលបានភាពកក់ក្ដៅ
- 2017-06-08 03:36:12
- ចំនួនមតិ 0 | ចំនួនចែករំលែក 0
ឪពុកម្ដាយគួរធ្វើរឿង ៦ យ៉ាងនៅចំពោះមុខកូនៗ ដើម្បីឲ្យពួកគេទទួលបានភាពកក់ក្ដៅ
ឪពុកម្ដាយល្អ គួរធ្វើដឹងថា រឿអ្វីគួរធ្វើ និងរឿងអ្វីមិនគួរធ្វើនៅចំពោះមុខកូនៗ។ តែ កញ្ញា សូមបង្ហាញតែរឿងម្ដាយឪពុកគួរធ្វើនៅនឹងមុខកូនៗ ដើម្បីឲ្យពួកគេបានឃើញពីភាពស្និទ្ធស្នាល និងទទួលភាពកក់ក្ដៅពីទង្វើរបស់យើង៖
១.ថើបគ្នាទៅវិញទៅមក៖ ធ្វើបែបនេះ កូនៗគេនឹងគិតថា ប៉ាម៉ាក់ពិតជាស្រលាញ់គ្នាពិតៗ ហើយបើមិនស្រលាញ់គ្នា គឺមិនអាចធ្វើបែបនេះបានទេ។
**២.សើចទាំងអស់គ្នា**៖ ភាពក្អាកក្អាយ មានន័យថាគ្រួសារសប្បាយចិត្តទើបអាចសើចបែបនេះបាន។ ពេលកូនៗឃើញឪពុកម្ដាយគេសើចសប្បាយ ពួកគេក៏មានក្ដីសុខទៅតាមនោះដែរ។
៣.ធ្វើអ្វីមួយសម្រាប់គ្នាទៅវិញទៅមក៖ រឿងដែលគួរធ្វើមួយទៀតនោះ គឺឪពុកគួរបញ្ចេញថ្វីដៃចម្អិនម្ហូបដោយឲ្យកូនៗជាជំនួយការ សម្រាប់សម្រាប់ភរិយា។ ចំណែកប្រពន្ធវិញពេលដល់ថ្ងៃកំណើតប្ដីគួរធ្វើនំខេកដោយខ្លួនឯង សម្រាប់ឪពុកកូនៗវញ បែបនេះកូនៗពិតជាមានអារម្មណ៍កក់ក្ដៅ។
៤.ណាត់គ្នាទៅញ៉ាំអាហារខាងក្រៅ៖ ឪពុកម្ដាយគួរតែស្វែងរកកន្លែងញ៉ាំអាហារណាដែលមានលក្ខណៈរ៉ូមែនទិក និងបង្ហាញពីភាពផ្អែមល្ហែមដាក់គ្នាទៅវិញទៅនៅចំពោះមុខកូន។ ដើម្បីឲ្យពួកគេដឹងថាប៉ាម៉ាក់ ពិតជាស្រលាញ់គ្នា ហើយជាគំរូសម្រាប់ពួកគេដែរ។
៥.លួងលោមគ្នា៖ ពេលមានប្ដី ឬប្រពន្ធមិនសប្បាយចិត្តគួរចេះលើកទឹកចិត្ត និងលួងលោមដោយការឱបគ្នាជាគ្រួសារ បែបនេះកូនៗរឹតតែស្រលាញ់អ្នកទាំងពីរលើសដើម។
៦.ធ្វើការទាំងអស់គ្នា៖ ទាំងពីរនាក់គួរមានការងារធ្វើនៅក្រៅ ដើម្បីរកចំណូលសម្រាប់ផ្គត់ផ្គង់គ្រួសារ ហើយកូនៗពិតជាសប្បាយរីករាយ ជាមួយជីវភាពសមរម្យ៕
ចុចអាន៖មនុស្សស្រីដែលភ្លេចស្រលាញ់ខ្លួនឯង ច្រើនធ្វើរឿងទាំង ៨ នេះ