ម៉ាក់អើយ កូនស្រីដល់ពេលនឹងយកប្ដីហើយ ម៉ាក់ឈប់បារម្ភទៅ

2017-06-07 03:15:20
ចំនួនមតិ 0 | ចំនួនចែករំលែក 0

ឪពុកម្ដាយរូបណាក៏មានការបារម្ភតែមួយគឺមិនដឹងថាកូនស្រីខ្លួនឯងពេលណាទើបមានប្ដី។ អ្នកខ្លះក៏និយាយបែបលេងសើច រីឯអ្នកខ្លះវិញទៀតគឺនិយាយចំតែម្ដង។ បើទោះបីជាកូនស្រីខ្លួនឯងមិនមែនជាប្រភេទអន់ក៏ដោយ តែពួកគាត់នៅតែបារម្ភ។

រួបតំណាង

ម៉ាក់ខ្ញុំដកដង្ហើមធំពីថ្ងៃនេះ រហូតដល់ថ្ងៃជាច្រើនទៀត។ អ្នកម្ដាយមានវិបត្តិរបស់គាត់ ហើយកូនស្រីក៏មានរឿងពិបាករបស់ខ្លួនឯង។ ម៉ាក់ខ្លាចកូនស្រីធំហើយមិនព្រមយកប្ដី ដល់ពេលហួសអាយុទៅ អត់មានអ្នកយកគឺពិបាកទៀត។ ម៉ាក់ខ្លាចកូនស្រីថ្ងៃក្រោយនៅឯកា កណ្ដោចកណ្ដែងម្នាក់ឯងគ្មានទីពឹងពាក់។ ម៉ាកបារម្ភថា មនុស្សស្រីបើទោះបីជាមានប៉ុណ្ណាតែបើគ្មានទីបង្អែកទេ អ្នកខាងក្រៅមើលមកក៏មិនសមដែរ។

បើសិនជាធ្វើអ្វីឲ្យម៉ាកសប្បាយចិត្តបានក្រៅពីយកប្ដី ខ្ញុំស៊ូធ្វើទាំងអស់។ ការពិតទៅ កូនស្រីណាក៏ដោយ បើដល់វេលាមួយណាដែលសមរម្យគឺនឹងយកប្ដីហើយ។ ដូចនេះពេលនេះ សុំយកពេលមកមើលថែប៉ាម៉ាក់សិន ព្រោះបើមានគ្រួសារហើយ ប្រាកដណាស់ថានឹងលែងមានពេលច្រើនសម្រាប់អ្នកមានគុណហើយ។

មិនយូរមិនឆាប់ កូនស្រីនឹងមានប្ដី គ្រាន់តែចង់ចំណាយពេលឲ្យយូរបន្តិចចំពោះរឿងសំខាន់មួយនេះ ដើម្បីកុំឲ្យខកមួយជំហាន ខុសមួយជីវិត។ ថ្ងៃណាមួយ កូនស្រីនឹងទៅតាមប្ដី ក្លាយជាប្រពន្ធគេ ម្ដាយគេ ហើយមានកាតព្វកិច្ចដូចនារីដទៃទៀតដែរ។ ដូចនេះហើយ សូមម៉ាក់ឈប់បារម្ភទៅ៕

ចុចអាន៖

ប្រភព៖ Guu ប្រែសម្រួលៈ Caramel