ទោះមានមតិរិះគន់ ហេតុអី Catherine នៅតែបន្តធ្វើវីដេអូទាក់ទងនឹងសុខភាពផ្លូវភេទ? (វីដេអូ)

2017-06-06 10:05:02
ចំនួនមតិ 0 | ចំនួនចែករំលែក 0

តាមរយៈកិច្ចសម្ភាសន៍ខ្លីជាមួយកញ្ញា ខេធឺរីន ហេរី (Catherine Harry) ដែលជាអ្នកសរសេរប្លុក និងជាអ្នកបង្កើតវីដេអូឃ្លីបបានឱ្យដឹងថា កញ្ញាចង់ឱ្យមនុស្សគ្រប់គ្នាបានយល់ដឹងកាន់តែច្រើន អំពីបញ្ហារសើបមួយចំនួនដែលសង្គមមិនបានបើកចំហ។

ខេធឺរីន បានរៀបរាប់ថា៖ «ដំបូងឡើងដោយសារតែខ្ញុំធ្លាប់បានធ្វើការងារច្រើនទាក់ទងនឹងសុខភាពបន្តពូជ ហើយខ្ញុំធ្លាប់សរសេរប្លុកអស់រយៈពេល ៥ ឆ្នាំហើយ ដែលភាគច្រើនទាក់ទងនឹងសិទ្ធិស្ត្រី សិទ្ធិស្មើគ្នា និងសុខភាពបន្តពូជ» «ប៉ុន្តែដោយសារខ្ញុំចង់ឱ្យសាររបស់ខ្ញុំទៅមនុស្សកាន់តែច្រើនទើបខ្ញុំចាប់ផ្តើមធ្វើវីដេអូនិយាយអំពីបញ្ហាសំខាន់ ដែលសង្គមមិនធ្លាប់បាននិយាយ» «ដល់ពេលដែលយើងចាប់ផ្តើមនិយាយពីវាហើយ!»

យ៉ាងណាមិញ បើទោះជាកញ្ញាធ្លាប់បានទទួលមតិរិះគន់ជេរប្រមាថមួយចំនួនក្តី កញ្ញានៅតែមានកម្លាំងចិត្តធ្វើវីដេអូបន្តទៀត ហើយក៏ដូចជាតម្រូវទៅតាមការសរសើររបស់ប្រិយមិត្តជាអ្នកគាំទ្រផងដែរ៕

ចង់ដឹងកាន់តែច្បាស់ ស្តាប់បទសម្ភាសន៍រវាងក្រុមការងារ កញ្ញា និង ខេធឺរីន ខាងក្រោមនេះ៖