គ្រោះថ្នាក់ពេលធ្លាក់ ស ស្រីៗត្រូវតែដឹង បើមិនអ៊ីចឹង វីវរមានរឿងធំហើយ
- 2017-06-02 08:24:04
- ចំនួនមតិ 0 | ចំនួនចែករំលែក 0
គ្រោះថ្នាក់ពេលធ្លាក់ ស ស្រីៗត្រូវតែដឹង បើមិនអ៊ីចឹង វីវរមានរឿងធំហើយ
ជំងឺធ្លាក់ ស បង្កឡើងដោយបាក់តេរី (Bacterial Vaginaosis ឬ BV) បណ្តាលមកពីការដុះលូតលាស់នៃបាក់តេរីបង្កគ្រោះថ្នាក់ច្រើននៅតំបន់នោះ។ ជំងឺនេះពាក់ព័ន្ធនឹងអតុល្យភាពនៃបាក់តេរី "គ្រោះថ្នាក់" និង "ល្អ"។ សូមកុំលូកលាងទ្វារមាសដោយរបស់ផ្សេងៗផ្ដេសផ្ដាស!
មូលហេតុចម្បងធ្វើឱ្យធ្លាក់ ស បង្កឡើងដោយបាក់តេរី អាចមកពីបញ្ហាលាងសម្អាតទ្វារមាស និងផ្លាស់ប្ដូរអ័រម៉ូន អំឡុងពេលមានផ្ទៃពោះ។ ជាទូទៅ បញ្ហានេះក៏ត្រូវគេហៅថាជា "ការរមាស់ទ្វារមាស"។ ស្រ្តីវ័យជំទង់ និងស្ត្រីនៅទូទាំងពិភពលោក កំពុងជួបបញ្ហានេះ។
ជំងឺធ្លាក់ ស បង្កឡើងដោយសារបាក់តេរី ស្រដៀងនឹងការធ្លាក់ ស បង្កដោយមេរោគផ្សិត ប៉ុន្តែសម្រាប់ការធ្លាក់ ស ដោយបាក់តេរី មានសភាពថ្លាជាង និងមានក្លិន។ បើមានក្លិនឆ្អាប វាជាសញ្ញាគោលបញ្ជាក់ឱ្យដឹងថា អ្នកមានជំងឺធ្លាក់ ស បង្កឡើងបាក់តេរី។ អ្នកប្រហែលជាអាចជួបប្រទះការធ្លាក់ស ក្នុងលក្ខណៈ ស ថ្លា ឬទឹករំអិលពណ៌ប្រផេះដែលរាវដូចទឹក ឬហ្វូម មានអារម្មណ៍ក្ដៅក្រហាយក្នុងទ្វារមាសក្រោមលក្ខខណ្ឌធម្មតា ឬខណៈពេលបត់ជើងតូច និងរមាស់ជុំវិញមាត់ទ្វារមាស។
ប៉ុន្តែ សូមកុំច្រឡំជំងឺធ្លាក់ ស បង្កឡើងដោយបាក់តេរី ជាមួយនឹងការឆ្លងមេរោគផ្សិត ឬពពួក trichomoniasis។ ការឆ្លងមេរោគផ្សិតបង្ហាញរោគសញ្ញាដូចគ្នា ប៉ុន្តែ ស មានលក្ខណៈខាប់ជាង ឬមានលក្ខណៈដូចឈីស។
ត្រូវប្រុងប្រយ័ត្ន ដោយសារ BV អាចបង្កឱ្យមានហានិភ័យដល់សុខភាពធ្ងន់ធ្ងរ។ វាអាចបង្កើនឱកាសខ្ពស់ក្នុងឆ្លងមេរោគអេដស៍ បើអ្នករួមភេទជាមួយនរណាម្នាក់ដែលមានផ្ទុកមេរោគអេដស៍ ព្រមទាំងឱកាសឆ្លងជំងឺកាមរោគដទៃទៀត ដូចជា ជំងឺ ក្លាមីដ្យា (Chlamydia) និងជំងឺប្រមេះទឹកបាយ។ បើអ្នកឆ្លង BV កំពុងមានផ្ទៃពោះ ហានិភ័យនៃការសម្រាលកូនមិនគ្រប់ខែ អាចកើតមានឡើង។
សូមព្យាបាលជំងឺធ្លាក់ស របស់អ្នកជាមួយនឹងថ្នាំ អង់ទីប៊ីយ៉ូទិក (antibiotics) តាមវេជ្ជបញ្ជាដែលបានណែនាំ (ថ្នាំគ្រាប់ ក្រែមលាបលើទ្វារមាស ឬថ្នាំស៊ុល) ហើយអ្នកអាចនឹងត្រូវការថ្នាំអង់ទីប៊ីយ៉ូទិកលើសពីមួយប្រភេទ ដោយសារតែ BV អាចរើឡើងវិញ។ ក្រៅពីនេះ មានថ្នាំដែលមិនមែនជាថ្នាំសម្លាប់មេរោគ ប៉ុន្តែអាចប្រឆាំងនឹងការឆ្លងមេរោគដោយមានសុវត្ថិភាព សូម្បីតែពេលអ្នកកំពុងតែមានផ្ទៃពោះ ឬបំបៅដោះកូន។ សូមពិគ្រោះយោបល់ជាមួយនឹងអ្នកផ្ដល់សេវាថែទាំសុខភាព!
បើមានសំណួរពាក់ព័ន្ធនឹងអត្ថបទនេះ ឬការថែរក្សាសុខភាព អាចទាក់ទងតាម៖
ផេកហ្វេសប៊ុក Healthwise Digest
អ៊ីមែល healthwisedigest@dksh.com.kh
វិបសាយ www.healthwise-digest.com
ចំណាំ៖ រាល់ថ្ងៃសុក្រ Kanha នឹងចេញផ្សាយអត្ថបទសុខភាព ពីអ្នកជំនាញផ្នែកសុខភាពរបស់ទស្សនាវដ្តី Healthwise Digest ពី DKSH៕