រឿងមួយចំនួនដែលស្ត្រីទើបរៀបការហើយអាចមិនទាន់សម្របបាន

2017-05-24 07:14:07
ចំនួនមតិ 0 | ចំនួនចែករំលែក 0

គ្មានអ្វីល្អឥតខ្ចោះនោះទេរួមទាំងរឿងរៀបការផងដែរ។ ម្យ៉ាងយើងនឹងទទួលបានសុភមង្គល បានរស់នៅជាមួយបុរសដែលយើងស្រឡាញ់ និងសាងគ្រួសារជាមួយគ្នា។ ប៉ុន្តែ នៅជ្រុងម្ខាងទៀត ការមិនទាន់សម្របខ្លួន និងការទទួលខុសត្រូវមានកាន់តែច្រើនដែលយើងត្រូវដោះស្រាយ។ ជាក់ស្ដែងដូចជាបញ្ហាខាងក្រោមនេះគឺជាអ្វីដែលតែងកើតឡើងចំពោះស្ត្រីដែលទើបនឹងរៀបការហើយ៖

១. ចែករំលែកអ្វីដែលយើងមាន៖ មានដៃគូហើយគឺប្រាកដជាខុសពីពេលនៅខ្លួនមួយ។ វាជារឿងចម្លែក និងពិបាកបន្តិចពីដំបូងព្រោះយើងមិនដែលទម្លាប់ជាមួយនឹងការចែករំលែកអ្វីៗរបស់យើងនៅកាន់ដៃគូបែបនេះរាប់តាំងពីគ្រែគេង បន្ទប់គេង ឬបន្ទប់ទឹកជាដើម។

២. ជាជំហានមួយថ្មីខុសពីមុន៖ ជាប្ដីប្រពន្ធគឺខុសពីសង្សារ ហើយក៏ខុសពីគូដណ្ដឹងដែរ។ យើងប្រហែលជាត្រូវការពេលខ្លះក្នុងការស្វែងយល់ពីគ្នាបន្ថែមទៀតដើម្បីឲ្យជីវិតអាពាហ៍ពិពាហ៍កាន់តែប្រសើរ។

៣. ការរំពឹង៖ ពេលរៀបការហើយ យើងក៏ដឹងខ្លួនដែលថាយើងធំហើយ។ ឪពុកម្ដាយបងប្អូនស្រាប់តែដាក់ការរំពឹងយ៉ាងខ្ពស់មករហូតយើងមានអារម្មណ៍ថាអ្វីៗប្រែប្រួលអស់ ហើយជីវិតដូចជាមានសម្ពាធខុសពីពេលមុនស្រឡះ៕

អាន៖ ស្មានត្រឹមជាកាដូកូនឆ្កែពីមិត្តប្រុសប៉ុណ្ណោះ ដល់ពេលបើកកន្លែងកកូនឆ្កែមើលទើបដឹងថា...(វីដេអូ)

អាន៖ ក្រោយរៀបការ ស្ត្រីតែងជួបប្រទះផលលំបាកទាំងនេះគ្រប់គ្នា

អាន៖ សញ្ញាទាំង ៩ ដែលបញ្ជាក់ថាយើងបានជួបបុរសដ៏ល្អហើយ

ប្រភព៖ herinterest ប្រែសម្រួល៖ Chhai Yarith