វិធីលើកលែងទោសឲ្យអ្នកនិយាយកុហក
- 2017-05-23 07:58:53
- ចំនួនមតិ 0 | ចំនួនចែករំលែក 0
វិធីលើកលែងទោសឲ្យអ្នកនិយាយកុហក
តើអ្នកធ្លាប់ស្រលាញ់នរណាម្នាក់រហូតដល់ថ្នាក់ បើទោះបីជាដឹងថាគេកំពុងនិយាយកុហកក៏នៅតែស្រលាញ់?
គេនិយាយថា៖ "អារម្មណ៍ដែលសប្បាយបំផុតនោះគឺ ស្ដាប់គេនិយាយកុហកទាំងដែលយើងបានដឹងការពិត"។
ខ្ញុំនិយាយថា៖ "នោះគឺជាអារម្មណ៍ឈឺចាប់បំផុត"
នៅពេលដែលខ្ញុំដឹងការពិតហើយ តែខ្ញុំនៅតែស្ដាប់នូវសម្ដីកុហករបស់អ្នកដទៃ។ មិនមែនដោយសារពេញចិត្តមើលការសម្ដែងដ៏អស្ចារ្យរបស់គេនោះទេ។ តែដោយសារខ្ញុំគិតថា មនុស្សយើងទោះបីជាស្និទ្ធប៉ុណ្ណាក៏តែងមានអាថ៍កំបាំងរៀងខ្លួន រឿងដែលមិនចង់ឲ្យគេដឹង។ ឬក៏គេអាចកំពុងបញ្ចុះបញ្ចូលខ្លួនឯងឲ្យជឿនូវរឿងដែលគេបង្កើតឡើង។ ខ្ញុំមិនដែលមានអារ្មណ៍ថាសប្បាយចិត្តសោះនៅពេលធ្វើជាទស្សនិកជនរបស់គេ បើមិនចង់និយាយថាពិបាកចិត្តខ្លាំង។ នៅពេលបំផុត ខ្ញុំដឹងថា គេមិនទាន់ទុកចិត្តយើងគ្រប់គ្រាន់ដើម្បីចែករំលែកបានរឿងទាំងអស់។
ផិតក្បត់ដើរទន្ទឹមជាមួយនឹងការកុហក។ នៅពេលដែលយើងគោរពនរណាម្នាក់ យើងនឹងមិននិយាយកុហកនោះឡើយ។ ខ្ញុំមិននិយាយកុហក បើទោះបីជារឿងតូចតាច ព្រោះខ្ញុំជឿជាក់ថាថ្ងៃណាមួយវានឹងត្រូវបានលាតត្រដាង។
ពួកគេអាចបោកប្រាស់ខ្ញុំបានមិនមែនដោយសារគេមានជំនាញកុហកនោះទេ តែដោយសារតែខ្ញុំស្ម័គ្រចិត្តជឿជាក់ពួកគេ។ គេអាចធ្វើឲ្យខ្ញុំឈឺចាប់មិនមែនដោយសារគេអស្ចារ្យអីនោះទេ តែដោយសារខ្ញុំផ្ដល់ឱកាសឲ្យគេធ្វើបែបនេះលើខ្ញុំ។
កាលពីមុន ខ្ញុំធ្លាប់គិតថា ឲ្យតែខ្លួនយើងធ្វើល្អដាក់គេ គេនឹងល្អដាក់យើងវិញ។ ក្រោយមកទើបខ្ញុំដឹងថា វាមិនមែនអញ្ចឹងនោះទេ។ នៅលើលោកនេះ ពិតជាស្មុគស្មាញខ្លាំងណាស់ បោកប្រាស់ ច្រណែនឈ្នានីស គឺមានសព្វបែបយ៉ាង។ នៅពេលនេះ ខ្ញុំនឹងមិនបោះបង់អ្នកណាចោលទាំងអស់ តែខ្ញុំនឹងមិនត្រចៀកស ឆាប់ជឿសម្ដីនរណាម្នាក់ទៀតឡើយ៕