ថ្ងៃបុណ្យម្ដាយ មានត្រៀមធ្វើអ្វីឲ្យគាត់រំភើបហើយឬនៅ?

2017-05-10 01:30:00
ចំនួនមតិ 0 | ចំនួនចែករំលែក 0

តើអ្នកមានគម្រោងអ្វីដើម្បី Surprise ម្ដាយរបស់អ្នកនៅថ្ងៃបុណ្យម្ដាយហើយឬនៅ? បើមិនទាន់ដឹងថាត្រូវធ្វើអ្វីទេ អ្នកអាចធ្វើរឿងខាងក្រោមនេះបាន ធានាថាគាត់នឹងរំភើបមិនខាន៖

១. បង្កើតអាល់ប៊ុមរូបថត, ធ្វើ Slideshow, ឬធ្វើវីដេអូក៏បាន៖ ធានាថាគាត់នឹងរំភើបខ្លាំងមិនខានពេលបានឃើញរូបចាស់ៗជាច្រើនដែលពោរពេញដោយអនុស្សាវរីយ៍រាប់មិនអស់។

២. ចម្អិនអាហារពេលល្ងាចសម្រាប់គាត់៖ យើងញ៉ាំម្ហូបគាត់ចម្អីនតាំងពីតូចមកហើយ ហេតុអ្វីមិនសាកបញ្ចេញថ្វីដៃឲ្យគាត់ភ្លក់ម្ដងវិញ? ឆ្ងាញ់មិនឆ្ងាញ់ត្រូវព្យាយាមណា៎។

៣. ទៅញ៉ាំអាហារ Picnic ជាមួយគ្នា៖ ការត្រៀមអាហារទៅញ៉ាំខាងក្រៅបែបនេះក៏ជាអ្វីដែលគាត់ចូលចិត្តដែរ។ យើងអាចធ្វើម្ហូបដែលគាត់ចូលចិត្តហើយជ្រើសរើសកន្លែងពិសេសណាមួយសម្រាប់ជួបជុំគ្រួសារយើង។

៤. ជូនគាត់ទៅកន្លែងដែលកាត់ចូលចិត្ត៖ ដើរផ្សារ ឬក៏ញ៉ាំអាហារនៅហាង? មើលថាគាត់ពេញចិត្តអ្វី ហើយជូនគាត់ទៅកន្លែងនោះឲ្យគាត់ពេញចិត្តម្ដង។

៥. នាំគាត់ទៅកន្លែង Spa៖ មិនមែនជាគំនិតចម្លែកទេណា៎។ សាកគិតមើលថាគាត់ប្រឹងប្រែងធ្វើការប្រាកដជានឿយហត់ណាស់ហើយ។ បើបាននាំគាត់ទៅ Spa ធ្វើសរសៃ ឬម៉ាស្សានោះ គាត់ប្រាកដជាស្រួលខ្លួន ហើយពេញចិត្តខ្លាំងមិនខាន៕

ប្រភព៖ askmen ប្រែសម្រួល៖ Chhai Yarith