បើបុរសញ៉ែអ្នកដោយវិធីទាំងនេះ កុំឆោតទៅចាញ់បោកឲ្យសោះ
- 2017-04-24 02:39:38
- ចំនួនមតិ 0 | ចំនួនចែករំលែក 0
បើបុរសញ៉ែអ្នកដោយវិធីទាំងនេះ កុំឆោតទៅចាញ់បោកឲ្យសោះ
វិធីញ៉ែស្រីរបស់បុរសទាំងអស់ក្រោមនេះ បើសិនជាស្រីៗប៉ះហើយ ត្រូវតែប្រើក្បាច់ម៉ែចែកឲ្យ រត់ចេញឲ្យឆ្ងាយ បើសិនជាមិនចង់ខកខ្លួនទៅពេលក្រោយ។
ទន់ខ្សោយ
នៅពេលប្រុសៗមានចិត្តលើអ្នក ហើយគេបង្ហាញឲ្យឃើញថាគេជាមនុស្សទន់ខ្សោយនោះ មានន័យថាគេមិនអាចរស់ខ្វះអ្នកបាន។ យ៉ាងណាក៏ដោយ ក្នុងរយៈពេលយូរអង្វែង អ្នកនឹងដឹងថា បុរសប្រភេទនេះមិនអាចធ្វើជាខ្នងបង្អែកដ៏រឹងមាំរាល់ពេលដែលអ្នកមានបញ្ហាត្រូវប្រឈមមុខនោះឡើយ។
ពូកែលើកតម្កើង សរសើរអ្នកមិនដាច់ពីមាត់
នៅពេលដែលបុរសដែលមានសម្ដីផ្អែមដូចទឹកឃ្មុំ ភាគច្រើនជាមនុស្សមានចិត្តរេដូចចុងស្រល់។ គេអាចសរសើរអ្នកដោយវាមិនមែនជាការពិត។ គេលើកអ្នកឡើងបាន គេក៏អាចលើកស្រីៗដទៃទៀតបានដែរ។
**ចង់បានខ្លួនប្រាណ**
ចំពោះបុរសដែលនៅក្នុងអំឡុងស្វែងយល់ចិត្តគ្នា តែចង់បានតែខ្លួនប្រាណអ្នក ស្ទាបអង្អែលអ្នក មានន័យថា គេចង់បានអ្នកគ្រាន់តែដើម្បីបំពេញចំណង់តណ្ហាតែប៉ុណ្ណោះ។ មិនបានគិតរឿងវែងឆ្ងាយជាមួយយើងនោះឡើយ
អួតអាង
បើសិនជាបុរសម្នាក់នោះ មួយថ្ងៃៗគិតតែពីអួតប្រាប់អ្នកអំពីអ្វីដែលគេមាននោះ អ្នកត្រូវគិតឡើងវិញចំពោះចំណងស្នេហ៍មួយនេះ។ មនុស្សប្រុសដែលមានអ្វីពិតប្រាកដនោះ គេមិនដែលនិយាយតែសម្តីនោះឡើយ គេនឹងបញ្ជាក់វាដោយសកម្មភាព។
ហិង្សា
បើសិនជាបុរសនោះប្រើសម្តីគំរាមអ្នកឲ្យស្រឡាញ់គេដូចជា៖ "អូនឯងសាកអត់ស្រឡាញ់បងមើល៍ នឹងមានអីកើតឡើង?” អ្នកត្រូវដាក់មេផាយឲ្យហើយទៅ។ ព្រោះក្រោយពេលរៀបការនឹងគ្នារួច អ្នកអាចក្លាយជាជនរងគ្រោះនៃអំពើហិង្សារបស់លោកប្ដីនេះក៏ថាបាន៕