ពេលមានស្នេហាស្រីៗ រំពឹងរឿង ៦ យ៉ាងនេះ តែពេលខ្លះបែរជាមិនសមបំណង

2017-04-23 02:00:00
ចំនួនមតិ 0 | ចំនួនចែករំលែក 0

រឿងដែលមនុស្សស្រីរំពឹងនោះ មិនមែនជាការដែលធ្ងន់ធ្ងរអ្វីទេ តែនៅតែមិនសមបំណង ព្រោះមនុស្សពីរនាក់ចិត្តក៏ពីរ ហើយមិនប្រាកដថាគូសង្សារ គិតដូចយើងទេ។ រឿង ៦ យ៉ាងនេះស្រីៗតែងរំពឹង តែពេលខ្លះមិនសមបំណងឡើយ៖

១.សេរីភាព

ទោះជាមានសង្សារហើយក៏ដោយ តែស្រីៗនៅតែចង់មានសេរីភាពដើរហើរគ្រប់កន្លែងបាន ដោយមិនខ្វល់ពីនរណា។ តែការរំពឹងទុកនេះ មិនអាចសមបំណងឡើយ ព្រោះបើយើងនៅតែធ្វើបែបនឹងទំនាក់ទំនងស្នេហា នឹងជួបការប្រះឆា។

រូបតំណាង

**២.ការគាំទ្រ**

ក្នុងនាមជាសង្សារមនុស្សស្រីពិតជាចង់ឲ្យដៃគូគាំទ្រ គ្រប់បែបយ៉ាងទោះពេលខ្លះធ្វើខុសក៏ដោយ។ តែអ្វីដែលទទួលបានគឺមានតែការបន្ទោស ឬខឹងពីសំណាក់បុរសទៅវិញ។

៣.កោតសរសើរ

មនុស្សស្រីជាច្រើនហើយតែងត្រូវសង្សារបង្អាប់វិញថា "គ្រាន់តែប៉ុណ្ណឹងសោះអួតនោះអួត” ជាសម្ដីបំបាក់ទឹកចិត្ត និងធ្វើឲ្យយើងអន់ចិត្ត បើទោះនោះជាសមិទ្ធិផលតូចតាចក៏ដោយ តែជាស្នាដៃដែលយើងខិតខំប្រឹងធ្វើវាឡើង។

៤.ក្តីស្រលាញ់

អ្នកខ្លះទោះជាមានឈ្មោះសង្សារនឹងគ្នាក៏ដោយ តែមិនបានទទួលការស្រលាញ់យល់ចិត្តឲ្យសមនឹងឋានៈនោះឡើយ។

៥.ភាពស្មោះត្រង់

នេះជាចំណុចដែលយើងខកចិត្តបំផុត។ មនុស្សស្រីសង្ឃឹមថាពេលមានសង្សារ មិត្តប្រុសខ្លួននឹងស្មោះត្រង់ជាមួយយើងម្នាក់គត់ តែគេបែរជាលួចលាក់មានអ្នកផ្សេង។

៦.ជាចំណែកសំខាន់របស់គេ

ពេលមានសង្សារ ស្រីៗតែងចាត់ទុកគេជាផ្នែកមួយដ៏សំខាន់មិនអាចខ្វះបានក្នុងជីវិត ហើយយើងក៏សង្ឃឹមដែរថាគេក៏ទុកយើងជាមនុស្សសំខាន់ដូចគ្នាដែរ។ តែនោះបានត្រឹមតែជាក្ដីរំពឹងប៉ុណ្ណោះ ធាតុពិតគេសូវដែរខ្វល់នឹងយើងទេ៕