រស់ក្នុងសង្គមឲ្យថ្លៃថ្នូរ ស្ត្រីគួរមានអាកប្បកិរិយាទាំងនេះ

2017-04-21 01:37:34
ចំនួនមតិ 0 | ចំនួនចែករំលែក 0

សម័យបច្ចុប្បន្ន ចំណេះដឹងជារឿងមួយហើយ តែអាកប្បកិរិយាក៏ជាកត្តាសំខាន់សម្រាប់ភាពជោគជ័យរបស់ស្ត្រីដែរ។ ខាងក្រោមនេះគឺជាចំណុចទាំង៨សម្រាប់ស្ត្រីអនុវត្តដើម្បីធ្វើជាមនុស្សថ្លៃថ្នូរម្នាក់ក្នុងសង្គម៖

១. ទាន់ពេលវេលា៖ ត្រូវគោរពពេលវេលាជានិច្ចមិនថាការងារ ណាត់សង្សារ ឬជួបមិត្តភក្ដិនោះទេ។ បើយើងទាន់ពេល យើងនឹងទទួលបានការគោរពពីអ្នកជុំវិញ។

២. សំលៀកបំពាក់សមរម្យ៖ មិនមែនស្លៀកតាមស្ទីលផ្ទាល់ខ្លួនយើងទេ តែត្រូវតម្រូវតាមកម្មវិធីដែលយើងចូលរួម។

៣. ទម្លាប់សួរជាមុន៖ ជាពិសេសនៅកន្លែងធ្វើការ។ ឧទាហរណ៍៖ មិនគួរញ៉ាំអ្វីដែលយើងឃើញដោយមិនបានសួរគេនោះទេព្រោះអ្នករួមការងារអាចទុកសម្រាប់ធ្វើអ្វីមួយ។

៤. ការអញ្ជើញ៖ បើហៅគេមក ត្រូវបំពេញនាទីជាម្ចាស់ផ្ទះឲ្យអស់ពីចិត្តទោះជាមួយមិត្តស្និទ្ធស្នាលក៏ដោយ។ បើគេអញ្ជើញជាភ្ញៀវវិញ ត្រូវថ្លែងអំណរគុណ ជូនអំណោយ និងជួយម្ចាស់ផ្ទះ ហើយមិនត្រូវរអ៊ូពីនេះពីនោះទេ។

៥. ប្រើទូរស័ព្ទ៖ កុំចុចទូរស័ព្ទពេលកំពុងសន្ទនា (បើចាំបាច់ គួរសុំទោសគេហើយដើរទៅជ្រុងម្ខាង), ជៀសវាងនិយាយទូរស័ព្ទពេលកំពុងមានមនុស្សច្រើន (បើចាំបាច់ គួរនិយាយតិចៗ), កុំលើកទូរស័ព្ទចុចពេលកំពុងមើលកុន និងត្រូវបិទសំឡេងទូរស័ព្ទផង (ទាំងក្នុងថ្នាក់រៀន បណ្ណាល័យ ឬនៅជាមួយសង្សារជាដើម)។

៦. បណ្ដាញសង្គម៖ កុំបង្ហាញកំហឹង ឬ ពាក្យជេរប្រមាថតាមហ្វេសប៊ុក (ព្រោះគ្មាននរណាចង់ឃើញទេ), កុំចូលទៅបញ្ចេញយោបល់ (Comment) មិនសមរម្យព្រោះវាធ្វើឲ្យតម្លៃយើងធ្លាក់ចុះ និងកុំចែកចាយ (Share) អ្វីដែលគ្មានប្រយោជន៍។

៧. កុំសុំសង្សារបែកគ្នាតាមរយៈការផ្ញើសារ៖ ទោះលំបាកប៉ុណ្ណា ត្រូវតែនិយាយគ្នាផ្ទាល់ហើយមិនត្រូវទៅឈ្លោះគ្នានៅទីសាធារណៈដាច់ខាត។

៨. ពេលទៅដើរកម្សាន្ត៖ គួរគោរពប្រជាជនក្នុងស្រុក និងត្រូវប្រមូលសំរាមមកវិញជានិច្ច៕

ប្រភព៖ Lovepanky ប្រែសម្រួល៖ Chhai Yarith