ស្រីៗគួរចំណាយពេលនៅម្នាក់ឯងខ្លះ ដើម្បីធ្វើរឿងទាំងនេះ
- 2017-04-20 03:15:56
- ចំនួនមតិ 0 | ចំនួនចែករំលែក 0
ស្រីៗគួរចំណាយពេលនៅម្នាក់ឯងខ្លះ ដើម្បីធ្វើរឿងទាំងនេះ
ពេលខ្លះមនុស្សស្រីគួរនៅម្នាក់ឯង ដើម្បីធ្វើរឿងមានប្រយោជន៍ទាំងនេះ ព្រោះពេលដែលយើងនៅជុំគ្នាជាមួយមិត្តភ័ក្ដិ ឬសង្សារមិនអាចឆ្លៀតធ្វើបាន។ រឿងទាំងនោះមានដូចជា៖
១.ផ្អាកប្រើអ៊ីនធឺណិតមួយរយៈ
យើងគួរចំណាយពេលឈប់សម្រាកណាមួយ ហើយនៅផ្ទះតែឯងមិនបាច់ចេញក្រៅដើរលេងឡើយ។ ជាពិសេសគឺបិទអ៊ីនធឺណិតចោលតែម្ដង ដើម្បីយកពេលសម្រាកឲ្យបានគ្រប់គ្រាន់។
**២.រៀនទៅណាមកណាតែម្នាក់ឯងខ្លះ**
ដើម្បីកុំឲ្យខ្លួនយើងមានទម្លាប់មិនអាចចេញក្រៅតែម្នាក់ឯងបាន ដូចនេះគួរចេះទៅណាដោយគ្មានគ្នាខ្លះ ទើបធ្វើឲ្យយើងមានភាពរឹងមាំ។
៣.អានសៀវភៅ
ព្រោះតែបច្ចេកវិជ្ជាទំនើប ធ្វើឲ្យយើងខានកាន់សៀវភៅអាន។ ដូច្នេះគួរផ្លាស់ប្ដូរទម្លាប់នេះចេញ ដោយងាកមករកកន្លែងស្ងប់ស្ងាត់ ដើម្បីផ្ដោតលើការអានឡើងវិញ។
៤.ធ្វើអ្វីតាមចំណង់ចំណូលចិត្ត
ពេលនៅជាមួយមិត្តភ័ក្ដិច្រើន យើងមិនអាចធ្វើអ្វីតាមអ្វីដែលចិត្តចង់ធ្វើឡើយ ព្រោះមានមតិជំទាស់ពីគ្នីគ្នា។ តែបើនៅស្ងប់ស្ងាត់ដាច់ពីអ្នកដទៃ យើងអាចបំពេញបំណងខ្លួនឯងបាន ដោយមិនចាំបាច់ឮសំឡេងផ្ទុយពីចិត្តយើង។
៥.អាចផ្ដោតលើការងារបានល្អ
ការដែលនៅដាច់ពីគេ អាចធ្វើឲ្យយើងផ្ចង់គំនិត និងអាចធ្វើការងារបានល្អជាងពេលមានសភាពអ៊ូអរ។
៦.ស្វែងរកធម្មជាតិ
យើងគួរតែទៅរកកន្លែងណាដែលមានបរិស្ថានបែបធម្មជាតិ ដើម្បីធ្វើឲ្យជីវិតយើងមានភាពស្រស់ស្រាយ៕