អត្ថប្រយោជន៍ជាច្រើននៃការញ៉ាំទឹកដូងចំពោះសុខភាព

2017-04-12 08:05:00
ចំនួនមតិ 0 | ចំនួនចែករំលែក 0

ទឹកដូងមិនត្រឹមតែជាភេសជ្ជៈបំបាត់ការស្រែកទឹកនោះទេ វាថែមទាំងមានអត្ថប្រយោជន៍ចំពោះសុខភាពជាច្រើនផងដែរ ៖

១. បណ្ដេញជាត់ពុលចេញពីរាងកាយ ៖ មុនពេលមករដូវ ឬអ្នកដែលមករដូវមិនទៀង គួរតែពិសាទឹកដូងព្រោះវាជួយជំរុញឲ្យសារធាតុដែលកខ្វក់ចេញពីរៀងកាយ ហើយធ្វើឲ្យរាងកាយមានតុល្យភាព និងរដូវមកទៀងទាត់វិញ។

២. ព្យាបាលជំងឺរាគរូស ៖ ដូចដឹ្ស្រាប់ហើយថាពេលរាគគឺរាងកាយត្រូវការទឹកខ្លាំងណាស់ ហើយនៅទឹកដូងគឺមានប្រសិទ្ធភាពខ្លាំងណាស់សម្រាប់ព្យាបាលជំងឺរាគ ព្រោះក្នុងទឹកដូងមានជាតិក្លុយកូសដែលអាចបំពេញជាតិទឹកដែលបាត់បង់ទៅ។

៣. កាត់បន្ថយជាតិអាស៊ីដ ៖ នៅក្នុងទឹកដូងមានសារធាតុបាស ដែលអាចកាត់បន្ថយជាតិអាស៊ីដនៅក្នុងខ្លួនយើងបាន។

៤. បំប៉នរាងកាយ ៖ ទឹកដូងជាភេសជ្ជៈមួយដែលជួយបំប៉នកម្លាំង បំប៉នសរសៃ ហើយអាចព្យាបាលជំងឺឆ្អឹង និងបញ្ចុះព្រូនបានយ៉ាងល្អទៀតផង។ ប៉ុន្តែសម្រាប់អ្នកដែលមានជំងឺតម្រងនោម និង ទឹកនោមផ្អែម មិនគួរញ៉ាំទឹកដូងនោះទេ ព្រោះវាមានក្លុយកូស ដែលអាចមានការប៉ះពាល់ច្រើន។

សុខភាពជារឿងសំខាន់ ដូច្នេះអ្នកត្រូវតែចេះថែរក្សាសុខភាពឲ្យបានល្អ។

ប្រភព ៖ សៀវភៅ វិធីថែទាំសម្រស់ និង សុខភាព

អត្ថបទ៖ ផេង ផលធិតា