អ្នកនឹងស្ដាយក្រោយបើសិនជាមិនដឹងពីគុណប្រយោជន៍ទាំងនេះរបស់សម្បកចេក

2017-04-12 03:54:05
ចំនួនមតិ 0 | ចំនួនចែករំលែក 0

ស្មានតែសម្បកចេកគ្មានបានការ អ្នកណាទៅដឹងថាវាមានសារប្រយោជន៍ដ៏ច្រើនបែបនេះសម្រាប់សម្រស់នោះ។ ជាយូរលង់ណាស់មកហើយដែលគេដឹងថាផ្លែចេកសម្បូរទៅដោយវីតាមីន និងជាផ្លែឈើមួយប្រភេទដែលមានប្រជាប្រិយភាព តែមានចំនួនមនុស្សតិចណាស់ដែលដឹងថាសម្បករបស់ចេកក៏មានគុណប្រយោជន៍មិនតិចដែរ។ ខាងក្រោមនេះគឺជាសារប្រយោជន៍មួយចំនួនរបស់សម្បកចេក។

១. កម្ចាត់មុន

អ្នកមានដឹងទេថានៅក្នុងសម្បកចេកមានសារធាតុកត់ស៊ីដែលមានលទ្ធភាពបន្ថយការឆ្លងរោគ ព្យាបាលប្រតិកម្ម និងទប់ស្កាត់ការរីករាលដាលរបស់មុន។ ជារៀងរាល់យប់មុនពេលចូលដំណេក មិត្តគ្រប់រូបអាចយកសម្បកចេកទៅលញ់លើមុនពី៣ទៅ៥នាទីរួចលាងចេញដោយទឹកស្អាត។ អនុវត្តដូចនេះ ក្នុង១សប្ដាហ៍ អ្នកនឹងឃើញពីលទ្ធផល។

២. បំបាត់ស្នាមលឿងលើធ្មេញ

សម្បកចេកអាចជួយធ្វើឲ្យធ្មេញសយ៉ាងល្អ។ មុនពេលចូលគេង អ្នកយកសម្បកចេកទុំទៅត្រដុសលើធ្មេញប្រមាណ៥នាទី រួចសឹមខ្ពុរមាត់ជាមួយទឹកស្អាតវិញ។ ធ្វើដូចនេះជាញឹកញាប់ នោះស្នាមកំបោរលឿងនៅធ្មេញរបស់អ្នកនឹងបាត់យ៉ាងឆាប់រហ័ស។

៣. បន្ថយការហើមដោយសារសត្វល្អិតទិចឬខាំ

នៅពេលអ្នកត្រូវ ស្រមោច មូសឬសត្វល្អិតទិចឬខាំបង្កឲ្យមានកន្ទួលរមាស់ អ្នកអាចប្រើសម្បកចេកបិទលើស្បែកដែលត្រូវទិចនោះពី៣ទៅ៥នាទី។ ជាតិកត់ស៊ីនៅក្នុងសម្បកចេកនឹងជួយឲ្យរបួសមិនហើម បន្ថយមានឈឺចាប់យ៉ាងមានប្រសិទ្ធភាព។

៤. បណ្ដេញរោគឈឺក្បាល

វិធីសាស្ត្រព្យាបាលបែបបុរាណនេះគឺពិតជាមានប្រសិទ្ធភាព។ អ្នកគ្រាន់តែយកសម្បកចេកមកបិទលើថ្ងាស រួចប្រើដៃម៉ាស្សាថ្នមៗពី៥ទៅ១០នាទីដើម្បីឲ្យជាតិ Kali ក្នុងសម្បកចេកជ្រាបចូលស្បែកក្បាលជាការស្រេច។ អាការៈឈឺក្បាលនឹងបាត់យ៉ាងឆាប់រហ័ស៕

ប្រភព៖ Eva

ប្រែសម្រួល៖ Caramel