រឿងសាមញ្ញៗ ៥ យ៉ាងស្រីៗអាចធ្វើ និងជួយបង្កើតថាមពលដល់ខ្លួនឯង
- 2017-04-06 02:01:49
- ចំនួនមតិ 0 | ចំនួនចែករំលែក 0
រឿងសាមញ្ញៗ ៥ យ៉ាងស្រីៗអាចធ្វើ និងជួយបង្កើតថាមពលដល់ខ្លួនឯង
ចង់ក្លាយជាមនុស្សស្រីពោរពេញដោយថាមពលដែរឬទេ? បើចង់ ខាងក្រោមនេះជាវិធីសាស្ត្រសាមញ្ញ ៥ យ៉ាងស្រីៗអាចធ្វើ និងជួយបង្កើតអំណាចដល់ខ្លួនឯងបាន៖
១.ផ្លាស់ប្ដូរទស្សនវិស័យ
កុំគិតថាខ្លួនឯងគ្មានសមត្ថភាព អាចធ្វើបានដូចគេឲ្យសោះ។ បើយើងអាចកែប្រែការគិតបែបនេះបាន ធ្វើឲ្យយើងមើលទៅមានភាពអស្ចារ្យ និងមានភាពអង់អាចក្លាហាន។
**២.ទៅណាមកណាដោយខ្លួនឯង**
គួរបង្ហាញដល់មនុស្សនៅជុំវិញខ្លួនថា យើងមានសមត្ថភាពគ្រប់គ្រាន់ដែលអាចទៅទីណាក៏បានដោយខ្លួនឯង មិនចាំបាច់ពឹងលើអ្នកដទៃ។ ព្រោះទម្លាប់ដែលចាំតែគេជួយ ធ្វើឲ្យយើងគ្មានភាពរឹងមាំ។
៣.ស្លៀកពាក់ឲ្យឡូយៗ
សំលៀកបំពាក់អាចបង្ហាញពីឥទ្ធិពលរបស់យើងបាន។ ដូចនេះបើចង់ឲ្យខ្លួនឯងមើលទៅមានអំណាច គួរតែស្លៀកពាក់សំលៀកបំពាក់ដែលសមរម្យគ្រប់កាលៈទេសៈ។
៤.ធ្វើកិច្ចការទាន់ពេលជានិច្ច
បើចង់ឲ្យអ្នកដទៃគោរព កោតខ្លាចគួរបង្ហាញឲ្យគេដឹងតាមរយៈការងារប្រចាំថ្ងៃរបស់យើង។ ការមកធ្វើការទាន់ពេលវេលាដែលក្រុមហ៊ុនកំណត់ និងធ្វើកិច្ចការខ្លួនទាន់ពេលវេលា អាចឲ្យអ្នកដទៃឃើញពីភាពអស្ចារ្យនៃយើង។
៥.និយាយពាក្យក្នុងចិត្ត
ពេលឃើញកំហុសឆ្គងអ្នកដទៃ គួរនិយាយប្រាប់ដោយត្រង់ៗ មិនគួរនិយាយនៅក្រោយខ្នងគេទេ។ បែបនេះទើបអ្នកដទៃគិតថាជាមនុស្សត្រង់ទៅត្រង់មក៕