រោគសញ្ញាទាំង ៤ នៅត្រង់អវយវៈភេទដែលស្រ្តីមិនគួរមើលរំលង

2017-03-23 03:53:34
ចំនួនមតិ 0 | ចំនួនចែករំលែក 0

មិនថាស្ត្រីមានសុខភាពល្អយ៉ាងណាក៏ដោយ ប៉ុន្តែពួកគេមួយចំនួនតែងតែជួបប្រទះបញ្ហានៅត្រង់អវយវៈភេទដោយមិនដឹងខ្លួន។ ស្រ្តីមិនគួរមានការធ្វេសប្រហែស និងមើលរំលងបញ្ហាទាំងអស់នោះទេ ព្រោះវាអាចជាបង្កផលវិបាកនៅថ្ងៃក្រោយ ។ ខាងក្រោមនេះជារោគសញ្ញាទាំង ៤ ដែលស្ត្រីមិនគួររំលង៖

១. រមាស់៖ បញ្ហារមាស់នៅត្រង់អវយវៈភេទអាចបណ្តាលមកពីសភាពស្បែករបស់អ្នក មានប្រតិកម្មជាមួយសារធាតុនៅក្នុងសាប៊ូដែលប្រើប្រាស់ប្រចាំថ្ងៃ ។ ក្នុងករណីដែលរោគសញ្ញានេះកើតមានក្រោយពេលរួមភេទ វាអាចបណ្តាលមកពីការប្រតិកម្មជាមួយស្រោមអនាម័យ ឬការប្រើប្រាស់ទឹករំអិល ។

២. មានការឈឺចាប់ពេលបត់ជើងតូច៖ វាអាចបណ្តាលមកពីការរលាកបំពង់បង្ហូរនោម ឬពេលខ្លះបណ្តាលមកពីការរាតត្បាតបាក់តេរីនៅបរិវេណប្រដាប់ភេទ។

៣. មានក្លិនមិនល្អ៖ បណ្តាលមកពីការកកើតបាក់តេរីនៅត្រង់ទ្វារមាស ឬពេលខ្លះបណ្តាលមកពីការប្រើប្រាស់សំឡីអនាម័យយូរពេក ។ បញ្ហានេះក៏អាចកើតមានចំពោះអ្នកដែលមានដៃគូរួមភេទផងដែរ នៅពេលដែលគាត់មានការរួមភេទច្រើនដង។

៤. ធ្លាក់ស៖ សារធាតុរំអិលពណ៌ស កើតឡើងពីការផលិតដោយស្វ័យប្រវត្តិក្នុងរាងកាយរបស់ស្ត្រី ដើម្បីរក្សាលំនឹង pH និងរក្សាជាតិសំណើមក្នុងទ្វារមាសស្ត្រី។ ប៉ុន្តែប្រសិនបើសារធាតុរំអិលពណ៌ស ប្រែទៅជាពណ៌លឿង ឬពណ៌បៃតងចាស់ នោះបង្ហាញថាទ្វារមាសរបស់ស្រ្តីមានផ្ទុកបាក់តេរីផ្សិត ហើយអាចបង្កទៅជារោគមហារីក៕

ប្រភព៖ Lovepanky

ប្រែសម្រួល៖ រ័ត្ន