គន្លឹះ ៥ យ៉ាង ស្រីៗគួរដឹង ដើម្បីថែរក្សាសុខភាពល្អនៅក្នុងជីវិតមហាវិទ្យាល័យ
- 2017-03-22 10:43:21
- ចំនួនមតិ 0 | ចំនួនចែករំលែក 0
គន្លឹះ ៥ យ៉ាង ស្រីៗគួរដឹង ដើម្បីថែរក្សាសុខភាពល្អនៅក្នុងជីវិតមហាវិទ្យាល័យ
ការសិក្សានៅមហាវិទ្យាល័យ គឺរវល់ខ្លាំងណាស់សម្រាប់សិស្សគ្រប់រូបស្ទើរគ្មានពេលសម្រាក ទាំងការងារសាលា, Assignments ពិតជាច្រើនពេលខ្លះធ្វើរហូតត្រូវយប់ជ្រៅក៏មាន។ ប៉ុន្តែត្រូវដឹងថាជីវិតអ្នករៀនសំខាន់បំផុតគឺសុខភាព ដូច្នេះគួរតែចេះថែរក្សាសុខភាពតាមវិធីទាំងនេះ៖
១.ជ្រើសរើសអាហារឲ្យបានត្រឹមត្រូវ៖ កំឡុងពេលដែលយើងស្ថិតក្នុងវ័យសិក្សា តែញ៉ាំអាហារឲ្យបានគ្រប់គ្រាន់ ជាពិសេសត្រូវចេះជ្រើសរើសអាហារណាដែលល្អចំពោះសុខភាព ព្រោះត្រូវចំណាយកម្លាំង និងខួរក្បាលច្រើនក្នុងការរៀនសូត្រ។
២.ចៀសវាងការចូលគេងយប់ជ្រៅពេក៖ ការចូលគេងចូលយប់ជ្រៅពេក មិនមែនជាការល្អនោះទេ ព្រោះវាអាចឲ្យយើងទ្រុឌទ្រោមសុខភាព រហូតប៉ះពាល់ដល់ខួរក្បាល ហើយធ្វើឲ្យការសិក្សាធ្លាក់ចុះទៀតផង។
៣.ញ៉ាំទឹកឲ្យបានច្រើន៖ ត្រូវព្យាយាមញ៉ាំទឹកឲ្យច្រើនជាងភេសជ្ជៈដែលមានជាតិអាកុល ឬ មានជាតិ,ហ្គាស ដូចជាស្រាបៀរ ជាដើម។
៤.ចំណាយពេលហាត់ប្រាណ៖ យើងអាចពិបាករកពេលដើម្បីហាត់ប្រាណ ព្រោះពេលខ្លះមានការងារច្រើនពេក ហើយពេលខ្លះទៀតភាពស្មុគស្មាញច្រើន។ ប៉ុន្តែត្រូវដឹងថាការហាត់ប្រាណជាវិធីដ៏ល្អមួយដែលជួយកាត់បន្ថយស្ត្រេស និងធ្វើឲ្យសុខភាពល្អ។
៥.បែងចែកពេលរៀន និងពេលសម្រាកឲ្យបានច្បាស់៖ យើងគួរចេះរៀបចំពេលវេលាឲ្យបានល្អ រវាងពេលវេលារៀន និងសម្រាក។ បើធ្វើការងារហើយ យើងអាចមានពេលសម្រាកខ្លះដើម្បីលំហែខួរក្បាលឲ្យស្រស់ថ្លា និងអាចបន្តដំណើរទៅមុខទៀតបានយូរអង្វែង៕
រៀនប្រាកដជាត្រូវរៀនហើយ ប៉ុន្តែសុខភាពអ្នកក៏មិនត្រូវភ្លេចដែរ៕