ឌីជេ ណាណា ៖ «ចំណេះដឹងគឺជាសម្រស់ដែលមនុស្សស្រីត្រូវយកចិត្តទុកដាក់»
- 2017-03-22 07:18:15
- ចំនួនមតិ 0 | ចំនួនចែករំលែក 0
ឌីជេ ណាណា ៖ «ចំណេះដឹងគឺជាសម្រស់ដែលមនុស្សស្រីត្រូវយកចិត្តទុកដាក់»
សម្រស់មិនអាចនៅស្ថិតស្ថេររហូតទេ ពោលគឺមានតែចំណេះដឹងទេ ដែលជាដើមទុនដ៏រឹងមាំ និងជាអាវពោងសុវត្ថិភាពការពារនៅពេលដែលយើងបាត់បង់សម្រស់ ។ នេះជាការលើកឡើងរបស់ឌីជេ ណាណា ដែលបានចែករំលែកពីបទពិសោធន៍ ទាក់ទងទៅនឹងឥទ្ធិពលរបស់ស្ត្រីក្រោមប្រធានបទ «ចំណេះជាដើមទុន» កាលពីពេលថ្មីៗនេះ។
ណាណា បានបន្តថា សម្រស់របស់មនុស្សស្រីអាចកើតមានមកពីកំណើត ឬពេលខ្លះវាក៏អាចកើតចេញពីការតុបតែងកែច្នៃផងដែរ ។ បន្ថែមពីលើរូបសម្រស់ ចំណេះដឹងក៏ជាផ្នែកមួយសំខាន់បំផុត ព្រោះទាំងពីរនេះគឺជាកត្តាទាក់ទាញការចាប់អារម្មណ៍ពីមនុស្សប្រុស ព្រមទាំងជាកត្តាទាក់ទាញឱកាសការងារយ៉ាងច្រើន ដែលធ្វើឱ្យកញ្ញាទទួលបានភាពជោគជ័យដូចសព្វថ្ងៃ ។
ទោះជាយ៉ាងណាក្តី ម្ចាស់ទំព័រហ្វេសប៊ុក Dj NanaTips រូបនេះក៏បានប្រាប់ពីទម្លាប់ផ្ទាល់ខ្លួនមួយថា៖ «ជារៀងរាល់ថ្ងៃ ក្នុងអំឡុងពេលដែលខ្ញុំផាត់មុខ គឺជាពេលដែលខ្ញុំស្តាប់ព័ត៌មាន» ។ ត្រង់ចំណុចនេះ កញ្ញាចង់មានន័យថា ទោះបីជារវល់ខ្វល់ខ្វាយពីសម្រស់យ៉ាងណាក៏ដោយ ប៉ុន្តែនាងនៅតែមានពេលវេលា សម្រាប់ស្វែងរកចំណេះដឹងតាមរយៈទម្លាប់នៃការស្តាប់ពត៌មានជាប្រចាំ ៕