ធ្វើរឿងទាំង ៨ នេះជាមួយមិត្តភ័ក្ដិស្រីៗគ្នាឯង ដឹងតែសប្បាយហ្មង!
- 2017-03-21 10:06:36
- ចំនួនមតិ 0 | ចំនួនចែករំលែក 0
ធ្វើរឿងទាំង ៨ នេះជាមួយមិត្តភ័ក្ដិស្រីៗគ្នាឯង ដឹងតែសប្បាយហ្មង!
គ្មានអ្វីក្នុងជីវិតប្រសើរជាងការសើចទេមែនទេ ជាពិសេសជាមួយមិត្តភ័ក្ដិយើងតែងម្ដង។ ខាងក្រោមនេះគឺជារឿងទាំង៨ដែលយើងអាចរីករាយជាមួយពួកគេបាន ធានាថានឹងបង្កើតអនុស្សាវរីយ៍ល្អៗមិនអាចបំភ្លេចបានមិនខាន។
១. ជប់លៀងអាហារពេលល្ងាច៖ ការចម្អិនម្ហូបជុំគ្នាជាមួយមិត្តភ័ក្ដិពិតជារឿងដ៏សប្បាយរីករាយមួយ។ ចម្អិនជាមួយគ្នា ហើយសាកភ្លក់ស្នាដៃគ្នាបន្តិចមើល៍។
២. ធ្វើការងារស្ម័គ្រចិត្ត៖ គ្មានអ្វីធ្វើឲ្យយើងចងចាំគ្នាបានល្អជាងការងារស្ម័គ្រចិត្តទេ។ បានទាំងបទពិសោធន៍ បានទាំងភាពស្និទ្ធស្នាល ព្រមទាំងបានជួយសង្គមផង។
៣. ទៅបោះជំរំ៖ ទៅដើរព្រៃស្រូបខ្យល់បរិសុទ្ធ ឡើងភ្នំ ឆ្លងទឹក។ គ្រាន់តែគិតក៏សប្បាយដែរ។
៤. ទៅលេងកីឡា៖ អាចផ្ដល់ប្រយោជន៍ជាច្រើនដូចជា រាងកាន់តែស្អាត សុខភាពកាន់តែល្អ ព្រមទាំងបានចំណាយពេលជាមួយមិត្តផង។
៥. ទៅមើលរឿងជាមួយគ្នា៖ រើសរឿងណាដែលទាំងអស់គ្នាចូលចិត្តហើយមើលជាមួយគ្នា។ កុំភ្លេច Popcornផងណា៎។
៦. ខ្ចប់អាហារទៅញ៉ាំខាងក្រៅ៖ ជាពិសេសពេលយើងចង់កាត់បន្ថយការចំណាយ។ យើងអាចចំណាយពេលមួយល្ងាចជជែកគ្នាពីនេះពីនោះបាន។
៧. ទៅជិះកង់ជាមួយគ្នា៖ ជិះកង់នឹងនាំឲ្យអារម្មណ៍ប្លែកមិនខានជាពិសេសបើបានទៅតាមខេត្ត ចូលតាមភូមិទៀតរិតតែឡូយ។
៨. ទៅលេងតាមកម្មវិធីបុណ្យធំៗ៖ ដូចជា បុណ្យភូមិ ឬអង្គរសង្ក្រាន្តជាដើមសុទ្ធតែជាឱកាសល្អសម្រាប់សាងអនុស្សាវរីយ៍ជាមួយគ្នា។
ដូចនេះ ដល់ពេលហើយដែលយើងត្រូវសាងការចងចាំល្អៗជាមួយមិត្តរបស់យើង។ សកម្មភាពទាំងនេះនឹងនាំឲ្យមិត្តភាពកាន់តែជិតស្និទ្ធមិនខាន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
