ធ្វើម៉េចល្អទៅ បើមានមិត្តប្រុសជាមនុស្សចូលចិត្តញ៉ែស្រីច្រើន?

2017-03-21 07:45:04
ចំនួនមតិ 0 | ចំនួនចែករំលែក 0

អ្នកបានប្រាកដចិត្តថា មិត្តប្រុសរបស់អ្នកពិតជាស្រឡាញ់អ្នកខ្លាំងណាស់ ប៉ុន្តែឆ្ងល់ថាហេតុអ្វីបានជាគាត់នៅតែព្យាយាមរញ៉េរញ៉ៃជាមួយអ្នកផ្សេងទៀត? ចុះចំណែកអ្នកក្នុងនាមជាមិត្តស្រី តើគួរដោះស្រាយបញ្ហានេះដោយរបៀបណា?

១. សង្កេតកាយវិការរបស់មិត្តប្រុស៖ ក្នុងនាមជាមិត្តស្រី ត្រូវចេះចាប់អារម្មណ៍ទៅលើទង្វើមិត្តប្រុសរបស់ខ្លួន ថាតើកាយវិការរបស់គាត់ពិតជាការលេបខាយជាមួយស្រីផ្សេង ឬគ្រាន់តែជាកាយវិការរាក់ទាក់ធម្មតា។

រូបតំណាង

**២. វិភាគថ្លឹងថ្លែង៖** ស្រីៗគួរតែសួរខ្លួនឯងថា ទង្វើដែលមិត្តប្រុសធ្វើដាក់អ្នកផ្សេងនោះ ដូចទៅនឹងអ្វីដែលគាត់ធ្លាប់ធ្វើកាលដែលគាត់តាមចែចង់អ្នកពីដំបូងដែរឬទេ?

៣. វិធីសាស្ត្រនិយាយជាមួយមិត្តប្រុស៖ ត្រូវប្រាប់មិត្តប្រុសពីអារម្មណ៍របស់អ្នក ដែលមិនពេញចិត្តចំពោះទង្វើទាំងនោះ ហើយត្រូវសួរនាំពីមូលហេតុនៃការប្រព្រឹត្តរបស់គាត់។ ពេលខ្លះអ្នកទាំងពីរត្រូវបង្ហាញភាពជឿជាក់ទៅលើគ្នា ដោយដាក់លក្ខខណ្ឌចំពោះករណីដែលមិនពេញចិត្ត ឬពេលខ្លះត្រូវដកថយម្នាក់មួយជំហានដើម្បីជៀសវាងជម្លោះ។

៤. សួរខ្លួនឯង៖ សួរខ្លួនឯងថា តើអ្នកព្រមនឹងទទួលយកទង្វើរបស់មិត្តប្រុសអ្នកបានដែរឬទេ បើទោះជាគាត់បានបកស្រាយ និងបង្ហាញភាពស្អាតស្អំរួចរាល់ហើយ។

៥. កំណត់ព្រំដែននៃភាពអំណត់៖ បើសិនជាភាពអំណត់របស់អ្នកចំពោះស្នេហាមួយនេះវាបាត់បង់អស់ទៅហើយ ដូច្នេះវិធីតែម្យ៉ាងគឺមានតែការចាកចេញ៕

ប្រភព៖ Youqueen

ប្រែសម្រួល៖ រ័ត្ន