ហេតុផល ៤ យ៉ាងបញ្ជាក់ថា ទោះបីយើងស្រលាញ់ប៉ុណ្ណាក៏គួរតែចាកចេញពីគេដែរ
- 2017-03-21 04:51:48
- ចំនួនមតិ 0 | ចំនួនចែករំលែក 0
ហេតុផល ៤ យ៉ាងបញ្ជាក់ថា ទោះបីយើងស្រលាញ់ប៉ុណ្ណាក៏គួរតែចាកចេញពីគេដែរ
មនុស្សស្រីពេលស្រលាញ់បុរសណាម្នាក់ហើយ ពិតជាមិនចង់បែកគ្នាទេ។ តែមានហេតុផលច្រើនទើបតម្រូវឲ្យយើងទ្រាំនៅជាមួយគ្នាទៀតមិនបាន។ ដូចនេះពេលចាកចេញ គឺព្រោះហេតុផល ៤ យ៉ាងដូចខាងក្រោម៖
១.គាត់ឈប់ស្រលាញ់យើង
នេះជាហេតុផលធំបំផុតដែលតម្រូវឲ្យយើងដកខ្លួនពីជីវិតគាត់ ព្រោះបើគាត់លែងមានចិត្តស្រលាញ់យើងដូចមុនទៀតហើយ ទោះនៅជាមួយគ្នាក៏គ្មានន័យអ្វីទៀតដែរ។
**២.យើងមិនដែលចង់គិតគូររឿងអនាគតជាមួយគាត់**
ពេលខ្លះ បើទោះជាស្រលាញ់បុរសនោះប៉ុណ្ណាក៏ដោយ តែយើងបែរជាមិនធ្លាប់គិតចង់រៀបការសាងគ្រួសារជាមួយគាត់សោះ។ នេះជាមូលហេតុដែលគួរតែដល់ពេលចាកចេញហើយ ដើម្បីឲ្យគាត់បានសាងអនាគតជាមួយមនុស្សស្រីល្អជាងយើង។
៣.គាត់មិនសប្បាយចិត្តពេលនៅជាមួយយើង
ប្រាកដណាស់មនុស្សស្រី ពិតជាហ៊ានលះបង់អ្វីគ្រប់បែបយ៉ាង ព្រោះតែស្នាមញញឹមបុរសជាទីស្រលាញ់។ តែបើគាត់មានទុក្ខព្រួយពេលសេពគប់នឹងគ្នា គួរតែដោះលែងឲ្យគេស្វែងរកមនុស្សស្រីធ្វើឲ្យគេមានក្ដីសុខវិញចុះ។
៤.គាត់ឈឺចាប់
តាមការពិតយើងទាំងពីរស្រលាញ់មិនអាចខ្វះគ្នាបានឡើយ តែហេតុផលដែលយើងចាកចេញទាំងក្ដីស្រលាញ់បែបនេះ ព្រោះគាត់តែងឈឺចុកចាប់ពេលនៅជាមួយយើង ហើយមានសម្ពាធពីគ្រួសារ ឬវណ្ណៈសង្គម៕