ស្នេហាដែលបានមកងាយ ពេលបាត់បង់ក៏រហ័សមែនអត់?
- 2017-03-21 04:40:48
- ចំនួនមតិ 0 | ចំនួនចែករំលែក 0
ស្នេហាដែលបានមកងាយ ពេលបាត់បង់ក៏រហ័សមែនអត់?
ស្នេហាបានដោយងាយ គឺជាប្រភេទស្នេហាឃើញភ្លាមស្រលាញ់ភ្លាម ឬជាស្នេហ៍ដែលមិនបានត្រៀមទុក ពេលមកដល់អារម្មណ៍ក៏ទទួលយកភ្លាម។ ចុះស្នេហាបែបនេះងាយបាត់បង់ឬយ៉ាងណា? បើម្នាក់ៗមើលចិត្តគ្នាដោយប្រើរយៈពេលខ្លីបែបនេះ? ចង់ដឹងច្បាស់មកស្ដាប់ស្រីៗ ៤-៥នាក់ដែលបានឆ្លងកាត់បទពិសោធន៍ទាំងនេះមើល៍។
**ស្រីមុំ៖** ប្រាកដជាអញ្ចឹងហើយ វាមិនអាចបានយូរអង្វែងទេ ព្រោះជាស្នេហាផ្លេកបន្ទោរ ងាយបានងាយបែក។
រ័ត្ន៖ ពាក្យចាស់និយាយមិនខុសទេ ខ្ញុំធ្លាប់ឆ្លងកាត់ស្នេហាបែបនេះ ពួកយើងម្នាក់ៗគ្មានទំនុកចិត្តលើគ្នាទេ ហើយក៏បែបគ្នាបន្ទាប់ពីទាក់ទងបាន ២សប្ដាហ៍។
ធីតា៖ អាចនិយាយបានថា មកពីស្នេហានេះ ស្រលាញ់ព្រោះតែភាពខាងក្រៅមិនបានគិតពីចរិតខាងក្នុង ចង់មិនចង់វាមិនបានយូរទេ។
ណារី៖ អ្នកណាទៅ ចង់បែកពីមនុស្សដែលស្រលាញ់ តែបើស្រលាញ់បែបលេងសើច ឬបានតែមួយឆាវអញ្ចឹង សុំទោសខ្ញុំអត់លេងចូលទេ។
ផល្លីតា៖ វាមិនអញ្ចឹងទាំងអស់ទេ ព្រោះខ្ញុំនិងមិត្តប្រុស ស្គាល់គ្នាពេលខ្លីតែការស្រលាញ់ស្ថិតលើការ យល់ចិត្តចំពោះគ្នា វាមិនស្ថិតលើពេលវែងពេលខ្លីអីទេ។
មិនា៖ មកពីម្នាក់ៗយករឿងហ្នឹងមកគិត ទើបស្នេហានេះវាមិនបានយូរ សាកល្បងបើកចិត្ត ស្វែងយល់ពីគ្នាទៅ នោះហ្នឹងទទួលបានផ្លែផ្កាមិនខាន។