៦ របៀបបង្កើនទំនុកចិត្តជាមួយម្ដាយក្មេក កូនប្រសាស្រីគ្រប់រូបគួរតែដឹង

2017-03-21 02:33:22
ចំនួនមតិ 0 | ចំនួនចែករំលែក 0

ដើម្បីធ្វើឲ្យម្ដាយក្មេកទុកចិត្ត និងដាក់ចិត្តស្រលាញ់យើងដូចកូនបង្កើតកើតនោះ មិនមែនជារឿងងាយស្រួលទេ តែវាក៏មិនលំបាកអ្វីពេកដែរ។ ដូចនេះបើមិត្តនារីចង់បង្កើនភាពស្និទ្ធស្នាលជាមួយម្ដាយក្មេកនោះ ៦ វិធីខាងក្រោមអាចជួយបាន៖

១.ធ្វើអ្វីដែលជាខ្លួនយើង៖ កុំព្យាយាមធ្វើអ្វីដែលមិនមែនជាចរិតពិតរបស់ខ្លួនឯងអី។ ព្រោះម្ដាយក្មេកអាចមើលដឹងថាយើងកំពុងធ្វើពុត ឬក៏យើងជាមនុស្សមានអត្តចរិតបែបនេះស្រាប់។

រូបតំណាង

**២.ចំណាយពេលវេលាជាមួយគាត់**៖ មិនថាយើងរវល់ប៉ុណ្ណាឡើយ តែយ៉ាងណាស់គួរតែចំណាយពេលជាមួយគាត់នៅក្នុងផ្ទះបាយដើម្បីធ្វើម្ហូប ឬដើរផ្សារទិញសម្ភារៈផ្សេងៗ។

៣.នាំគាត់ចូលហាង៖ វិធីនេះអាចនិយាយថាជាការយកចិត្តថ្លើមក៏បានដែរ តែពិតជាទទួលផលយ៉ាងច្រើនមែន។ គួរតែនាំម្ដាយក្មេកទៅហាងថែរក្សាសម្រស់ ឬទៅហាងទិញសំលៀកបំពាក់, ស្បែកជើង, កាបូប ព្រោះមនុស្សស្រីមិនថាវ័យណាទេ គឺនៅតែស្រលាញ់របស់អស់ទាំងនេះ។

៤.ស្ដាប់គាត់និយាយ៖ ប្រសិនបើចង់ឲ្យទំនាក់ទំនងជាមួយម្ដាយក្មេក និងកូនប្រសាស្រីរឹតតែស្អិតល្មួត ពេលគាត់និយាយណែនាំអ្វី ត្រូវអង្គុយស្ដាប់យ៉ាងយកចិត្តទុកដាក់។ ដើម្បីឲ្យមើលឃើញថាយើងពិតជាក្មេកល្អ ចេះស្ដាប់បង្គាប់។

៥.ដឹងពីគាត់ឲ្យបានច្រើន៖ គួរតែស្គាល់គាត់ឲ្យបានច្រើនទាំងចំណង់ចំណូលចិត្តម្ហូបអាហារ និងការស្លៀកពាក់។