វិធីប្រារព្ធខួបអាពាហ៍ពិពាហ៍ ៥ យ៉ាងធ្វើឲ្យគ្រួសារមានសុភមង្គលទ្វេដង
- 2017-03-20 09:44:32
- ចំនួនមតិ 0 | ចំនួនចែករំលែក 0
វិធីប្រារព្ធខួបអាពាហ៍ពិពាហ៍ ៥ យ៉ាងធ្វើឲ្យគ្រួសារមានសុភមង្គលទ្វេដង
ការប្រារព្ធកម្មវិធីខួបអាពាហ៍ពិពាហ៍ ពិតជាសំខាន់ណាស់ ដើម្បីរឹតចំណងស្នេហាឲ្យកាន់តែមានសុភមង្គលខ្លាំងឡើង។ ៥ វិធីខាងក្រោម ជាការរំលឹកខួបរៀបការដ៏ល្អបំផុត៖
១.ធ្វើដំណើរកម្សាន្តរួមគ្នា
ការធ្វើដំណើរកម្សាន្តរួមគ្នារវាងប្ដីប្រពន្ធតែពីរនាក់នាថ្ងៃពិសេសនោះ ពិតជាវិធីល្អខ្លាំងបំផុត ដើម្បីរំលឹកគ្រាចាប់ដៃគ្នាជាលើកដំបូង។ បើចង់ឲ្យស្នេហាដូចថ្ងៃរៀបការដំបូងគួរតែទៅកន្លែងក្រេបទឹកឃ្មុំម្ដងទៀត នោះអនុស្សាវរីយទាំងប៉ុន្មាននឹងផុសនៅចំពោះមុខអ្នកទាំងពីរ។
**២.ញ៉ាំអាហារក្រោមពន្លឺភ្លើងទៀន**
ដ្បិតតែជម្រើសញ៉ាំអាហារក្រោមពន្លឺភ្លើងទៀន មិនពិសេសខ្លាំងដូចការធ្វើដំណើរកម្សាន្តមែន តែវិធីនេះពិតជាមានភាពរ៉ូមែនទិក សម្រាប់ប្ដីប្រពន្ធចូលចិត្តបែបអន្លង់អន្លោច។ អាហារក្រោមពន្លឺភ្លើងទៀន ថែមស្រាក្រហមបន្តិច ធ្វើឲ្យស្នេហាកាន់តែស្អិតល្មួតដូចគូស្នេហ៍ថ្មោងថ្មី។
៣.ទៅបាររាំ
ដើម្បីឲ្យដូចពេលសុំស្នេហ៍លើកដំបូង ស្វាមីគួរតែណាត់ភរិយាចេញទៅកម្សាន្តនៅក្នុងបារបរិយាកាសដូចបរទេស និងសុំភរិយារាំបទមនោសញ្ចេតនាជាមួយគ្នា។
៤.ទៅមើលកុន
ភាពយន្តដែលគួរឲ្យស្វាមីភរិយា ទៅមើលគួរតែជាស្នេហាបែបយុវវ័យ ដូចគ្រាដើមកាលអ្នកទាំងពីរទើបស្គាល់គ្នា។ ប្រភេទរឿងដូចជា "The Proposal” “The Vow” និង "Date Night ” ជាដើម។
៥.ការពញ្ញាក់អារម្មណ៍
គួរមានរៀបចំកម្មវិធីតូចមួយនៅក្នុងផ្ទះ ដោយរៀបចំកម្មវិធីភ្ញាក់ផ្អើលមួយដល់អារម្មណ៍ខាងស្រី និងអញ្ជើញបងប្អូនដែលស្និទ្ធស្នាលគ្នាបំផុតមកចាំស្វាគមន៍ភរិយា។ គួរបន្ថែមនំខេក និងមានការញ៉ាំអាហារដែលមានទាំងបៀរ កំដរបរិយាកាសផងដែរ៕