ទង្វើអចេតនា ៥ យ៉ាងរបស់ស្រីៗ ជាមូលហេតុបំផ្លាញស្នេហាខ្លួនឯងទៅវិញ

2017-03-20 03:45:01
ចំនួនមតិ 0 | ចំនួនចែករំលែក 0

ពេលខ្លះ នោះមិនមែនជាអ្វីដែលយើងតែងចិត្តធ្វើឲ្យទំនាក់ទំនងស្នេហាមានភាពល្អក់កករឡើយ តែវាជារឿងអចេតនាប៉ុណ្ណោះ។ ខាងក្រោមនេះ គឺជាទង្វើអចេតនា ៥ យ៉ាងរបស់ស្រីៗ ដែលជាមូលហេតុអាចបំផ្លាញស្នេហាខ្លួនឯងផ្ទាល់ដៃ៖

១.ស្និទ្ធស្នាលជាមួយមិត្តរួមការងារហួសហេតុពេក៖ ពេលខ្លះភាពស្និទ្ធស្នាលដែលយើងមានចំពោះមិត្តរួមការងារបុរសៗ អាចធ្វើឲ្យដៃគូស្នេហាមានការភាន់ច្រឡំ។ នេះជាអ្វីដែលយើងមិននឹកស្មានដល់ទោះតែសោះ ព្រោះគិតថា ការមានទំនាក់ទំនងល្អជាមួយអ្នកធ្វើការ អាចជួយឲ្យការងារបានរលូនជាងពេលមុនប៉ុណ្ណោះ។

រូបតំណាង

**២.ធ្វើខ្លួនមានអាថ៌កំបាំង**៖ ពីមុនទូរសព្ទអ្នកទាំងពីរអាចដូរគ្នាលេងបានតាមចិត្ត តែក្រោយមកមានមិត្តភ័ក្ដិប្រុសម្នាក់ដែលឧស្សាហ៍ឆាតលេង ស្រីៗក៏ខ្លាចសង្សារឃើញសារឆ្លើយឆ្លងទាំងនោះធ្វើឲ្យយល់ច្រឡំ ទើបព្យាយាមលាក់បាំង ឬដូរលេខសម្ងាត់នៅលើទូរសព្ទ។ តែនេះបែរជាមូលហេតុដែលយើងបំផ្លាញស្នេហាខ្លួនឯងទៅវិញ។

៣.គិតដល់មិត្តភ័ក្ដិមុនមិត្តប្រុស៖ នេះក៏ជារឿងដែលមនុស្សស្រីគ្មានចេតនាធ្វើដែរ ព្រោះគិតថាបុរសនឹងយល់ពីចំណងមិត្តភាពយើងជាមួយមិត្តភ័ក្ដិ តែនោះជាភាពផ្ទុយគ្នាស្រឡះ។ រវាងមិត្ត និងសង្សារមានបញ្ហាដូចគ្នា បើយើងជ្រើសរើសនៅកំដរជាមួយមិត្ត ទុកសង្សារនៅក្រោយ អាចធ្វើឲ្យគេខឹង និងដក់ជាប់អារម្មណ៍មិនល្អមួយនោះទុកជានិច្ច។

៤.សាំញ៉ាំ៖ ប្រសិនបើយើងជាមនុស្សចូលចិត្តនិយាយច្រឡំដែលៗ ធ្វើឲ្យរំខានដល់អារម្មណ៍គេ នោះក៏ជាមូលហេតុដែលធ្វើឲ្យមនុស្សប្រុសមិនចូលចិត្ត ហើយអាចដើរចេញពីជីវិតយើងក៏មាន។

៥.មិនស្ដាប់ហេតុផល៖ មនុស្សស្រីដែលជម្នះយកតែចិត្តខ្លួនឯង អាចធ្វើឲ្យមិត្តប្រុសមិនអាចតស៊ូកាន់ដៃទៅមុខទៀតបានឡើយ។ ព្រោះពេលមានបញ្ហាម្ដងៗ យើងមិនដែលស្ដាប់ការបកស្រាយ ឬសួរនាំមូលហេតុរបស់គេ៕